തിരുവനന്തപുരം: യൂണിവേഴ്‌സിറ്റി കോളേജില്‍ കെഎസ്‌യു എസ്എഫ്‌ഐ പ്രവര്‍ത്തകര്‍ തമ്മില്‍ സംഘര്‍ഷം. തെരഞ്ഞടുപ്പില്‍ മത്സരിക്കുന്ന സ്ഥാനാര്‍ഥികളുടെ ഫോട്ടോ എടുക്കാന്‍ കോളേജ് കാമ്പസില്‍ എത്തിയ കെഎസ് യു വിദ്യാര്‍ഥിനികളെ എസ്എഫ്‌ഐ പ്രവര്‍ത്തകര്‍ തടഞ്ഞു.വിദ്യാര്‍ത്ഥിനികളെ എസ് എഫ് ഐ പ്രവര്‍ത്തകര്‍ കാമ്പസില്‍ നിന്ന് പുറത്താക്കി ഗേറ്റും അടച്ചു.
വിദ്യാര്‍ഥിനി പ്രതിനിധിയായി മത്സരിക്കുന്ന കെഎസ്‌യുവിന്റെ നയന ബിജുവിനെ എസ്എഫ്‌ഐ പ്രവര്‍ത്തകര്‍ മര്‍ദിച്ചതായും ആരോപണമുണ്ട്.പരിക്കേറ്റ വിദ്യാര്‍ഥിനികള്‍ ജനറല്‍ ആശുപത്രിയില്‍ ചികില്‍സ തേടി. എന്നാല്‍ ആരോപണങ്ങള്‍ എസ്എഫ്‌ഐ നിഷേധിച്ചു.
പുറത്ത് നിന്നുള്ള ആരും കാമ്പസില്‍ കയറാന്‍ പാടില്ലെന്ന് മാത്രമാണ് പറഞ്ഞതെന്നാണ് എസ്എഫ്‌ഐ വിശദീകരണം. തങ്ങളെ മര്‍ദിച്ച എസ്എഫ്‌ഐ പ്രവര്‍ത്തകര്‍ക്കെതിരെ നടപടി ആവശ്യപ്പെട്ട് കെഎസ്‌യു പ്രവര്‍ത്തകര്‍ പ്രതിഷേധ മാര്‍ച്ച് നടത്തി. വിദ്യാര്‍ത്ഥിനികള്‍ കോളേജ് ഗേറ്റിന് മുന്നില്‍ കുത്തിയിരുന്നു മുദ്രാവാക്യം വിളിച്ച് പ്രതിഷേധിച്ചു.
പ്രതികരിക്കാൻ ഇവിടെ എഴുതുക: