കേക്ക് കഴിച്ച അഞ്ചുവയസുകാരൻ മരിച്ചു ; ഭക്ഷ്യവിഷബാധയെന്ന് പോലീസ്

ബെംഗളൂരു : കേക്ക് കഴിച്ച അഞ്ചുവയസുകാരൻ മരിച്ചു . മാതാപിതാക്കളെ അതീവ ഗുരുതരാവസ്ഥയിൽ ആശുപത്രിയിൽ പ്രവേശിപിച്ചു. ഭുവനേശ്വർ നഗറിലെ കെപി അഗ്രഹാരിൽ ബൽരാജിന്റെയും ,നാഗലക്ഷ്മിയുടെയും മകൻ ധീരജാണ് മരിച്ചത് . സ്വിഗ്ഗി ഡെലിവറി ബോയ് ആയി ജോലി ചെയ്തിരുന്ന ബൽരാജിന് ഇന്നലെ വൈകുന്നേരം കേക്കിന്റെ ഓർഡർ ലഭിച്ചിരുന്നു . എന്നാൽ ബേക്കറിയിൽ നിന്ന് കേക്ക് എടുക്കുമ്പോഴേക്കും ഓർഡർ ക്യാൻസലായി . തുടർന്ന് കേക്ക് ബൽരാജ് സ്വന്തം വീട്ടിലേക്ക് കൊണ്ടുപോയി. കുടുംബം മുഴുവൻ അത് കഴിക്കുകയും ചെയ്തു.

ഇതിന് പിന്നാലെ ധീരജിനും , മാതാപിതാക്കൾക്കും അസ്വസ്ഥത അനുഭവപ്പെട്ടു. തുടർന്ന് നാട്ടുകാർ മൂവരെയും ഉടൻ കിംസ് ആശുപത്രിയിൽ പ്രവേശിപ്പിച്ചു. എന്നാൽ ചികിത്സയിലിരിക്കെ ധീരജ് മരിക്കുകയായിരുന്നു. ബൽരാജും, നാഗലക്ഷ്മിയും അപകടനില തരണം ചെയ്തിട്ടില്ല.