തിരുവനന്തപുരം: റഷ്യന്‍, ഇംഗ്ലീഷ് ഭാഷാ പണ്ഡിതയും വിവര്‍ത്തകയും താരതമ ചലച്ചിത്ര പഠനത്തിന് റഷ്യന്‍ ഭാഷയില്‍ കേരള സര്‍വകലാശാലയില്‍ നിന്നുള്ള ആദ്യ പിഎച്ച്ഡി ബിരുദധാരിയുമായ ഡോ. സുധാ വാര്യര്‍ (85) വഴുതക്കാട് അന്തരിച്ചു. ഗവേഷണ പ്രബന്ധത്തെ അടിസ്ഥാനമാക്കി രചിച്ച അനുകല്പനത്തിന്റെ ആട്ടപ്രകാരം എന്ന് കൃതിക്ക് 2021ല്‍ ചലച്ചിത്ര സംബന്ധിയായ മികച്ച കൃതിക്കുള്ള സംസ്ഥാന അവാര്‍ഡ് ലഭിച്ചിരുന്നു. ബോളിവുഡ് താരം ഷാരൂഖാന്റെ ഇംഗ്ലീഷിലുള്ള ആത്മകഥ ഷാരൂഖാന്‍ ബോളിവുഡിലെ രാജാവ് എന്ന പേരില്‍ മലയാളത്തിലേക്ക് പരിഭാഷപ്പെടുത്തി. ഡോ.പി. കെ. വാര്യരുടെ ആത്മകഥയും ഇംഗ്ലീഷിലേക്ക് പരിഭാഷപ്പെടുത്തിയിട്ടുണ്ട്. റഷ്യന്‍ കൃതികള്‍ മലയാളത്തിലേക്കും മലയാള പുസ്തകങ്ങള്‍ റഷ്യന്‍ ഭാഷയിലേക്കും മൊഴിമാറ്റം നടത്തിയിട്ടുണ്ട്. കോഴിക്കോട് മെഡിക്കല്‍ കോളേജ് പ്രൊഫസറും മെഡിസിന്‍ വിഭാഗം ഡയറക്ടറുമായിരുന്ന പരേതനായ ഡോ. ജി കെ വാര്യര്‍ ഭര്‍ത്താവാണ്.
Friday, November 22, 2024
റഷ്യന്‍, ഇംഗ്ലീഷ് ഭാഷാ പണ്ഡിതയും പ്രമുഖ വിവര്‍ത്തകയുമായ ഡോ. സുധാ വാര്യര്‍ അന്തരിച്ചു
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: