ലണ്ടന്‍: ഡിപ്പാര്‍ട്ട്‌മെന്‌റ് സ്റ്റോര്‍ ആയ ഹാരോഡ്സിന്‌റെ മുന്‍ ഉടമ പരേതനായ കോടീശ്വരന്‍ മുഹമ്മദ് അല്‍ ഫായിദ് രതിവിഷയത്തില്‍ ഒരു ‘രാക്ഷസന്‍’ ആയിരുന്നെന്ന് വെളിപ്പെടുത്തല്‍. 2023-ല്‍ 94 ാം വയസ്സില്‍ അന്തരിച്ച അല്‍-ഫായിദിനെതിരെ 37 സ്ത്രീകളെങ്കിലും തങ്ങളെ ലൈംഗികമായി പീഡിപ്പിച്ചതായി ബിബിസി ഡോക്യുമെന്‌ററിയില്‍ ആരോപിച്ചിട്ടുണ്ടെന്ന് ബാരിസ്റ്റര്‍ ഡീന്‍ ആംസ്‌ട്രോംഗ് ലണ്ടനില്‍ മാധ്യമപ്രവര്‍ത്തകരോട് പറഞ്ഞു.
അല്‍ ഫായിദിന്റെ ലൈംഗിക കുറ്റകൃത്യങ്ങളെക്കുറിച്ച് ഹാരോഡ്സിന് അറിയാമായിരുന്നുവെന്ന് ബിബിസി വ്യക്തമാക്കി. ഡിപ്പാര്‍ട്ട്‌മെന്‌റ് സ്റ്റോര്‍ കോര്‍പ്പറേറ്റ് ഉത്തരവാദിത്തം പാലിച്ചില്ലെന്നും സുരക്ഷിതമായ തൊഴില്‍ സാഹചര്യം ഒരുക്കുന്നതില്‍ പരാജയപ്പെട്ടുവെന്നും ആംസ്‌ട്രോംഗ് പറഞ്ഞു.
അതിനിടെ ഹാരോഡ്സ് സ്റ്റോര്‍ ഇരകളോട് ക്ഷമാപണം നടത്തി, തങ്ങളുടെ മുന്‍ ഉടമ നടത്തിയ ലൈംഗിക ദുരുപയോഗ ആരോപണങ്ങള്‍ ‘തികച്ചും ഭയപ്പെടുത്തുന്നു’ എന്നും സമ്മതിച്ചു. ഡയാന രാജകുമാരിക്കൊപ്പം കാറപകടത്തില്‍ മരിച്ച ഡോഡി ഫായദിന്‌റെ പിതാവാണ് മുഹമ്മദ് അല്‍ ഫായിദ്.
പ്രതികരിക്കാൻ ഇവിടെ എഴുതുക: