‘രാത്രി, സമയം 10.30. ഭാര്യ അടുത്തു വന്നു വളരെ പതുക്കെ പറഞ്ഞു: പിള്ളേരെല്ലാം ഉറങ്ങി.
അയിന് ?
ഇനി നമുക്ക്…
ഇനി നമുക്ക്…?
ആ ന്യൂസ് ചാനലൊന്ന് വെക്കാം…..??’
ഹേമ കമ്മിറ്റി റിപ്പോര്‍ട്ട് പുറത്തു വന്നതിനെത്തുടര്‍ന്ന് ചാനലുകള്‍ മല്‍സരിച്ച് പീഡനവാര്‍ത്തകള്‍ സവിസ്തരം സംപ്രേഷണം ചെയ്യുന്നതിനെ പരിഹസിച്ച് സോഷ്യല്‍ മീഡിയയില്‍ ഓടുന്ന ഒരു ട്രോളാണിത്. ഇക്കാര്യത്തില്‍ ഒരു മര്യാദയും ചില ചാനലുകള്‍ കാണിക്കുന്നില്ലെന്ന വ്യാപകമായ പരാതി പൊതു സമൂഹത്തിനുണ്ട്.
അടുത്തിടെ ബാര്‍ക്ക് റേറ്റിംഗില്‍ ഉണ്ടായ ചില മാറ്റങ്ങള്‍ കണ്ട് ചില പുത്തന്‍ കൂറ്റു ചാനലുകള്‍ സ്ത്രീ അവതാരകരെത്തന്നെ രംഗത്തിറക്കി മല്‍സരം കൊഴുപ്പിക്കുകയാണ്. നടിമാരുടെ മാത്രമല്ല, ഒരു നടന്‌റെ വരെ ലൈംഗിക വൈകൃതങ്ങള്‍ കേട്ട് ചെവി പൊത്തുകയാണ് പ്രേക്ഷകര്‍. ഇതൊന്നും പോരാഞ്ഞ് പഴയകാല അശ്‌ളീല നടിമാരെ തേടിപ്പിടിച്ച് ലൈംഗിക കേളികള്‍ കിള്ളിക്കിഴിച്ചെടുക്കാനും ചിലര്‍ മല്‍സരിക്കുന്നു.
പ്രതികരിക്കാൻ ഇവിടെ എഴുതുക: