കൊച്ചി : ഹേമ കമ്മിറ്റി റിപ്പോര്‍ട്ട് പൂര്‍ണമായും പുറത്ത് വിടണമെന്ന ആവശ്യവുമായി നടന്‍ ലാലു അലക്സ്. ഉള്ളടക്കം ശരിയായി മനസിലാക്കേണ്ടതുണ്ട്. വിവരങ്ങള്‍ പുഴ്‌ത്തിവെക്കുന്നത് ശരിയല്ലെന്നും ലാലു അലക്സ് പറഞ്ഞു.
അമ്മ സംഘടനയിലെ പ്രശ്നങ്ങള്‍ ശരിയായി പറയാന്‍ റിപ്പോര്‍ട്ട് പൂര്‍ണമായും പുറത്ത് വിടണമെന്ന് ലാലു അലക് സ് പറഞ്ഞു.ഹേമ കമ്മിറ്റി റിപ്പോര്‍ട്ട് പുറത്ത് വന്നതിന് പിന്നാലെയാണ് ദുരനുഭവം പറഞ്ഞ് നടിമാര്‍ രംഗത്തെത്തിയത്.
ഹേമ കമ്മിറ്റി റിപ്പോര്‍ട്ടിന്റെ ചില ഭാഗങ്ങള്‍ പുറത്തു വന്നതിന് പിന്നാലെ മലയാള ചലച്ചിത്ര രംഗത്ത് വന്‍ കോളിളക്കമാണ് ഉണ്ടായിട്ടുളളത്. മുകേഷ്, സിദ്ദിഖ് ,ജയസൂര്യ, ഇടവേള ബാബു, മണിയന്‍പിളള രാജു, ബാബുരാജ് തുടങ്ങിയ താരങ്ങള്‍ക്കെതിരെ നടിമാര്‍ പീഡന ആരോപണമുന്നയിച്ചിരുന്നു.സംവിധായകരായ രഞ്ജിത്ത്, വി കെ പ്രകാശ് എന്നിവര്‍ക്കെതിരെയും ആരോപണമുയര്‍ന്നു.
ഈ സാഹചര്യത്തില്‍ കേസുകള്‍ രജിസറ്റര്‍ ചെയ്ത് പൊലീസ് പ്രത്യേക സംഘമാണ് അന്വേഷണം നടത്തുന്നത്.
പ്രതികരിക്കാൻ ഇവിടെ എഴുതുക: