ഗോഡ് ഫാദര്‍ പോലെ കണ്ട സംഗീത സംവിധായകന്‍ തന്നെ ലൈംഗികമായി മുതലെടുക്കാന്‍ ശ്രമിച്ചുവെന്ന പരാതിയുമായി ഗായിക ഗൗരിലക്ഷ്മി. ആളുടെ പേര് വെളിപ്പെടുത്തിയിട്ടില്ലെങ്കിലും 35കാരനാണ് ഈ സംഗീതസംവിധായകന്‍ എന്ന് മാത്രമാണ് ഗൗരി ലക്ഷ്മി പറയുന്നത്.
13, 14,15 വയസ്സുള്ളപ്പോള്‍ ആണ് ഗൗരി ലക്ഷ്മി സംഗീതരംഗത്തേക്ക് ഗായികയായി രംഗപ്രവേശം ചെയ്യുന്നത്. “അക്കാലത്ത് ഏറെ ബഹുമാനിക്കുന്ന സംഗീതസംവിധായകന്‍, ഗായകര്‍ എന്നിവരെയാണ് നമ്മള്‍ പരിചയപ്പെടുന്നത്. അപ്പോള്‍ ഇവരില്‍ നിന്ന് എന്തെങ്കിലുമൊക്കെ പഠിക്കാന്‍ കഴിഞ്ഞേക്കുമെന്നായിരുന്നു പ്രതീക്ഷ. ഒരു വ്യക്തി പ്രത്യേക താല്‍പര്യത്തോടെ എന്നോട് പെരുമാറാന്‍ തുടങ്ങി. ഞാന്‍ ഒരു ഗോഡ് ഫാദറെപ്പോലെയാണ് ഞാന്‍ അദ്ദേഹത്തെ കണ്ടിരുന്നത്. പിന്നീട് അദ്ദേഹത്തിന്റെ സംസാരം സെക്ഷ്വല്‍ ആയ താല്‍പര്യങ്ങളോടെ സംസാരിക്കാന്‍ തുടങ്ങുകയും ചെയ്തു. അതോടെ ഞാന്‍ മെല്ലെ അകന്ന് തുടങ്ങി. ഇതേ മ്യൂസിക് ഡയറക്ടര്‍ പിന്നീട് എന്നെ പാടാന്‍ വിളിച്ചെങ്കിലും ഞാന്‍ പോയിട്ടില്ല”. – ഗൗരി ലക്ഷ്മി അനുഭവം വിശദീകരിക്കുന്നു.
പക്ഷെ ഇതുവരെയും ഈ മ്യൂസിക് ഡയറക്ടറുടെ പേര് ഗൗരി ലക്ഷ്മി വെളിപ്പെടുത്തിയിട്ടില്ല.
ഗൗരി പേര് വെളിപ്പെടുത്തണമെന്ന് ഷാഹബാസ് അമന്‍
ഗൗരി ഈ യുവ സംഗീതസംവിധായകന്റെ പേര് വെളിപ്പെടുത്തണമെന്ന് ഗായകന്‍ ഷാഹബാസ് അമന്‍ പറഞ്ഞു. സ്വന്തം ജീവിതാനുഭവം ശക്തമായ ഒരു പൊളിറ്റിക്കല്‍ സോങ് ആയി വെളിപ്പെടുത്തിയതിന് പലരുടെയും പരിഹാസത്തിന് പാത്രമായി മുറിവേറ്റ ഗായികയാണ് ഗൗരി ലക്ഷ്മി. ഗായികയ്‌ക്ക് പൂര്‍ണ്ണ പിന്തുണ നല്‍കുന്നുവെന്ന് ഷാഹബാസ് അമന്‍ പറഞ്ഞു.
പ്രതികരിക്കാൻ ഇവിടെ എഴുതുക: