വയനാട്: മൂപ്പൈനാട് നല്ലന്നൂരില്‍ നിന്ന് പിടികൂടിയ പുള്ളിപ്പുലിയെ കാട്ടില്‍ തുറന്ന് വിട്ടു. ഇന്ന് രാവിലെയാണ് മുത്തങ്ങ ഉള്‍വനത്തില്‍ പുലിയെ തുറന്ന് വിട്ടത് . നിരവധി വളര്‍ത്ത് മൃഗങ്ങളെ പുലി പിടികൂടിയിരുന്നു. ഇതിനെ തുടര്‍ന്ന് നല്ലന്നൂരില്‍ വനം വകുപ്പ് കൂട് സ്ഥാപിച്ചിരുന്നു. ഇന്നലെ വൈകിട്ടോടെ പുലി കുടുങ്ങുകയായിരുന്നു. ആറ് വയസോളം പ്രായമുള്ള ആണ്‍ പുലിക്ക് കാര്യമായ ആരോഗ്യപ്രശ്‌നങ്ങള്‍ ഇല്ല.
പുലിയെ പിടികൂടിയ കൂട്ടില്‍ തന്നെ ഉള്‍വനത്തില്‍ വനംവകുപ്പിന്റെ വാഹനത്തില്‍ എത്തിക്കുകയായിരുന്നു. വനംവകുപ്പ് ജീവനക്കാര്‍ സമീപത്തായി മറ്റു വാഹനങ്ങളിലും ഇരുന്നു. ഇതിനിടയില്‍ പുലിയുടെ കൂട് തുറന്നു. കൂട് തുറന്ന ഉടനെ പുലി പുറത്തേക്കിറങ്ങി ഉള്‍വനത്തിലേക്ക് വേഗത്തില്‍ പോവുകയായിരുന്നു. ഉള്‍വനമേഖലയിലായതിനാലും ആരോഗ്യപ്രശ്‌നങ്ങളില്ലാത്തതിനാലും പുലി ഇനി നാട്ടിലേക്കിറങ്ങില്ലെന്നാണ് വനംവകുപ്പ് അധികൃതര്‍ പറയുന്നത്.
പ്രതികരിക്കാൻ ഇവിടെ എഴുതുക: