കൊച്ചി: സിനിമാ മേഖലയില്‍ സ്ത്രീകള്‍ക്കെതിരെ വിവേചനം നടക്കുന്നുണ്ടെങ്കില്‍ സംഭവം വിശദമായി പരിശോധിക്കണമെന്ന് നടനും എഎംഎംഎ ജന. സെക്രട്ടറിയുമായ സിദ്ദിഖ്. ഹേമ കമ്മിറ്റി റിപ്പോര്‍ട്ട് പുറത്തുവിട്ടതില്‍ പ്രതികരിക്കുകയായിരുന്നു അദേഹം.
സെന്‍സിറ്റീവായ വിഷയമാണിത്. ആരെല്ലാമാണ് പരാതിപ്പെട്ടിരിക്കുന്നത്, ആര്‍ക്കെല്ലാം എതിരെയാണ് പരാതി എന്നെല്ലാം ശ്രദ്ധിക്കേണ്ടതുണ്ട്. അതിനാല്‍ റിപ്പോര്‍ട്ട് വിശദമായി പഠിച്ചതിന് ശേഷം നടപടി സ്വീകരിക്കുമെന്ന് സിദ്ദിഖ് അറിയിച്ചു. സ്ത്രീകള്‍ക്കെതിരെ ആക്രമണങ്ങളും വിവേചനങ്ങളും നടന്നിട്ടുണ്ടെങ്കില്‍ തീര്‍ച്ചയായും നടപടി സ്വീകരിക്കും.
സ്ത്രീകള്‍ക്ക് വസ്ത്രങ്ങള്‍ മാറാനുള്ള സൗകര്യം ഒരുക്കുന്നില്ലെന്ന പരാതികളടക്കം റിപ്പോര്‍ട്ടില്‍ പറയുന്നുണ്ട്. പണ്ട് കാലത്ത് അതിനുള്ള സൗകര്യങ്ങള്‍ കുറവായതിനാല്‍ പലപ്പോഴും ബുദ്ധിമുട്ടിയിരുന്നുതായും എന്നാല്‍ ഇന്നത്തെ കാലത്തും സ്ത്രീകള്‍ക്ക് അതിനുള്ള സൗകര്യം ഒരുക്കുന്നില്ലെങ്കില്‍ അത് തെറ്റാണെന്നും നടനും അമ്മ ജോയിന്റ് സെക്രട്ടറിയുമായ ബാബുരാജും വ്യക്തമാക്കി.
പ്രതികരിക്കാൻ ഇവിടെ എഴുതുക: