പത്തനംതിട്ട: യാക്കോബായ സഭ നിരണം ഭദ്രാസനം മുന്‍ അധിപന്‍ ഡോ.ഗീവര്‍ഗീസ് മാര്‍ കൂറിലോസ് ഓണ്‍ലൈന്‍ തട്ടിപ്പിനിരയായി.15 ലക്ഷത്തിലധികം രൂപയാണ് തട്ടിയെടുത്തതെന്നാണ് അദ്ദേഹം വെളിപ്പെടുത്തിയത്.
പത്തനംതിട്ട കീഴ്വായ്പൂര്‍ പൊലീസ് സംഭവത്തില്‍ കേസെടുത്തു.മുംബയ് സൈബര്‍ വിഭാഗം, സിബിഐ എന്നീ ഏജന്‍സികളില്‍ നിന്നെന്ന് വിശ്വസിപ്പിച്ചാണ് തട്ടിപ്പ് നടത്തിയത്.
ഗീവര്‍ഗീസ് കൂറിലോസിന്റെ പേരില്‍ മുംബൈയില്‍ ബാങ്ക് അക്കൗണ്ട് ഉണ്ടെന്നും അതിലൂടെ കള്ളപ്പണ ഇടപാട് നടന്നെന്നും പറഞ്ഞായിരുന്നു തട്ടിപ്പ്. വീഡിയോ കോള്‍ ചെയ്ത് തട്ടിപ്പുകാര്‍ ഗീവര്‍ഗീസ് മാര്‍ കൂറിലോസ് വെര്‍ച്വല്‍ അറസ്റ്റില്‍ ആണെന്ന് അറിയിച്ചു.
സ്വന്തം അക്കൗണ്ടില്‍ നിന്നും സുഹൃത്തിന്റെ അക്കൗണ്ടില്‍ നിന്നുമായി 15,01,186 രൂപയാണ് പ്രതികള്‍ തട്ടിയെടുത്തത്. പൊലീസ് അന്വേഷണം തുടങ്ങി.
പ്രതികരിക്കാൻ ഇവിടെ എഴുതുക: