കോട്ടയം: സംസ്ഥാന സര്‍ക്കാര്‍ പുതുക്കിയ എസ്റ്റിമേറ്റ് അംഗീകരിക്കാത്തതു കൊണ്ടാണ് ശബരി റെയില്‍ പദ്ധതിയുടെ നിര്‍മ്മാണം നീളുന്നതെന്ന് കേന്ദ്ര റെയില്‍വേ മന്ത്രി അശ്വനി വൈഷ്ണവ് കേരളത്തില്‍ നിന്ന് നിവേദനവുമായി എത്തിയ യുഡിഎഫ് എംപിമാരെ അറിയിച്ചു. ശബരിറെയില്‍ പാതയുടെ പുതുക്കിയ എസ്റ്റിമേറ്റിന് അനുമതി ആവശ്യപ്പെട്ട് റെയില്‍പാത കടന്നുപോകുന്ന ലോകസഭാ മണ്ഡലങ്ങളായ ചാലക്കുടി, ഇടുക്കി, കോട്ടയം, പത്തനംതിട്ട എന്നിവിടങ്ങളില്‍ നിന്നുള്ള എംപിമാരാണ് കേന്ദ്രമന്ത്രിയെ നേരില്‍ കണ്ടത്. അപ്പോഴാണ് സംസ്ഥാനത്തിന്റെ നിലപാടും മൂലമാണ് ശബരി റെയില്‍ വൈകുന്നതെന്ന വസ്തുത യുഡിഎഫ് എംപിമാര്‍ക്ക് ബോധ്യപ്പെട്ടത്. ബെന്നി ബഹനാന്‍,ഡീന്‍ കുര്യാക്കോസ്, ഫ്രാന്‍സിസ് ജോര്‍ജ്, ആന്‌റോ ആന്റണി എന്നിവര്‍ ചേര്‍ന്ന് കേന്ദ്രമന്ത്രിക്ക് നിവേദനം നല്‍കുകയും ചെയ്തു.
പ്രതികരിക്കാൻ ഇവിടെ എഴുതുക: