പാരീസ്: ഒളിമ്പിക്‌സ് ഉദ്ഘാടന ചടങ്ങിന് മണിക്കൂറുകള്‍ മാത്രം ബാക്കി നില്‍ക്കെ ഫ്രാന്‍സിലെ അതിവേഗ റെയില്‍ ശ്യംഖലയ്ക്കു നേരെ ആക്രമണമുണ്ടായി. പലയിടത്തും റെയില്‍വേ സംവിധാനങ്ങള്‍ നശിപ്പിച്ചു.
രാത്രി ആക്രമണം ഉണ്ടായതായി ഫ്രാന്‍സിലെ സ്റ്റേറ്റ് റെയില്‍വേ കമ്പനി അറിയിച്ചു. സംഭവത്തെ തുടര്‍ന്നു നിരവധി ട്രെയിനുകള്‍ വഴിതിരിച്ചുവിടുകയും മറ്റ് ട്രെയിനുകള്‍ റദ്ദാക്കുകയും ചെയ്‌തെന്ന് അധികൃതര്‍ അറിയിച്ചു.
കഴിയുന്നതും റെയില്‍വേ സ്റ്റേഷനിലേക്ക് പോകാതെ യാത്ര മാറ്റിവയ്‌ക്കണമെന്നാണ് അധികൃതരുടെ അഭ്യര്‍ഥന. അറ്റ്‌ലാന്റിക് നോര്‍ത്തേണ്‍-ഈസ്റ്റേണ്‍ അതിവേഗ പാതകളില്‍ തടസം ഉണ്ടായി. പല സംവിധാനങ്ങള്‍ക്കും കേടുപാടുകള്‍ സംഭവിച്ചെന്നും റെയില്‍വേ ഓപ്പറേറ്റര്‍ പറഞ്ഞു.
പ്രതികരിക്കാൻ ഇവിടെ എഴുതുക: