കനത്ത മഴ; പാറക്കാട് ഓടിക്കൊണ്ടിരുന്ന ഓട്ടോയ്‌ക്ക് മുകളിൽ മരം വീണു

പാലക്കാട്: മുതുതല പറക്കാട് മേഖലയിൽ നാശം വിതച്ച് കനത്തമഴ. പ്രദേശത്ത് കനത്തമഴയെ തുടർന്ന് നിരവധി അപകടങ്ങളാണ് റിപ്പോർട്ട് ചെയ്തിരിക്കുന്നത്. കനത്ത മഴയിൽ മുതുതല പറക്കാട് റോഡിൽ ഓടികൊണ്ടിരുന്ന ഓട്ടോറിക്ഷക്ക് മുകളിലേക്ക് മരം വീണ് അപകടമുണ്ടായി.

പ്രദേശത്ത് വൈദ്യുതി പോസ്റ്റുകളും പൊട്ടി വീണു. പാതയിൽ വലിയ തോതിലുള്ള ഗതാഗതം തടസംഅനുഭവപ്പെട്ടു. ഇതിനടുത്തായി തന്നെ ഒരു വീടിന് മുകളിലേക്ക് മരം കടപുഴകി വീണും അപകടം ഉണ്ടായി. ഉച്ചക്ക് 12 മണിയോടെയായിരുന്നു സംഭവം.