ചെന്നൈ: ശ്രീഗോകുലം ഗ്രൂപ്പിന്റെ സ്റ്റാഫ്ഡേ ആഘോഷം ചെന്നൈയില്‍ നടന്നു. ശ്രീഗോകുലം ഗ്രൂപ്പ് ഓഫ് കമ്പനികളുടെ സ്ഥാപകനും ചെയര്‍മാനുമായ ഗോകുലം ഗോപാലന്റെ ജന്മദിനമാണ് ഒരോ വര്‍ഷവും സ്റ്റാഫ്ഡേയായി ആഘോഷിക്കുന്നത്.
കഴിഞ്ഞ വര്‍ഷത്തെ പോലെ തന്നെ ഇത്തവണയും ചെന്നൈ തേനാംപേട്ടയിലുള്ള കാമരാജര്‍ ഓഡിറ്റോറിയത്തിലാണ് ആഘോഷങ്ങള്‍ നടന്നത്. ചടങ്ങില്‍ തമിഴ്‌നാട് സര്‍ക്കാരിലെ മുന്‍സിപ്പള്‍ അഡ്മിനിസ്‌ട്രേഷന്‍ ആന്റ് വാട്ടര്‍ സ്‌പ്ലൈ മന്ത്രിയായ കെ.എന്‍. നെഹ്റു വിശിഷ്ട അഥിതിയായി. കുടുംബാംഗങ്ങളും ജീവനക്കാരും പങ്കെടുത്ത ചടങ്ങില്‍ വച്ച് ഗോകുലം ഗോപാലന്‍, തന്റെ മാതാപിതാക്കളുടെ ഫോട്ടോയുടെ മുന്നില്‍ ഭദ്രദീപം കൊളുത്തി. തുടര്‍ന്ന് കേക്ക് മുറിച്ച് ആഘോഷത്തിന് തുടക്കം കുറിച്ചു.
ബിസിനസില്‍ മികച്ച പ്രവര്‍ത്തനം കാഴ്ചവെച്ച ശ്രീഗോകുലം ജീവനക്കാര്‍ക്ക് പുരസ്‌കാരങ്ങള്‍ നല്‍കി. ഗോകുലം ഗോപാലന്റെ മകനും ശ്രീഗോകുലം ഗ്രൂപ്പിന്റെ എംഡിയുമായ ബൈജു ഗോപാലന്‍ ചെന്നൈ എഗ്മോറിലുള്ള ചൈല്‍ഡ് ഹോസ്പിറ്റലില്‍ 80 കുട്ടികള്‍ക്ക് ‘ഗോകുലം ബെനോ’ ഉത്പന്നമായ ചൈല്‍ഡ് കെയര്‍ കിറ്റുകള്‍ നല്‍കി. കലാപരിപാടികളും നടന്നു. നടന്‍ ജോജു ജോര്‍ജ്, 24 ന്യൂസ് ചാനലിന്റെയും, ~വേഴ്‌സ് ചാനലിന്റെയും എംഡി ശ്രീകണ്ഠന്‍ നായര്‍ തുടങ്ങി ഒട്ടേറെ പേര്‍ ആഘോഷ പരിപാടിയില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: