വിംബിള്‍ഡണ്‍ ടെന്നീസ് ചാമ്പ്യന്‍ഷിപ്പ്: ടോമി പോള്‍ നാലാം റൗണ്ടില്‍

ലണ്ടന്‍: വിംബിള്‍ഡണ്‍ ടെന്നീസ് ചാമ്പ്യന്‍ഷിപ്പിന്റെ പുരുഷ സിംഗിള്‍സില്‍ അമേരിക്കയുടെ ടോമി പോള്‍ നാലാം റൗണ്ടിലെത്തി. കസാക്ക്സ്ഥാന്റെ അലക്സാണ്ടര്‍ ബബ്ലിക്കിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് അമേരിക്കന്‍ താരം നാലാം റൗണ്ടിലേക്ക് മുന്നേറിയത്. സ്‌കോര്‍: 6-3, 6-4, 6-2.

വ്യാഴാഴ്ച രാത്രി വൈകി അവസാനിച്ച മത്സരത്തില്‍ വിജയിച്ച് നാലാം സീഡ് അലക്സാണ്ടര്‍ സ്വരേവ് മൂന്നാം റൗണ്ടിലെത്തി. അമേരിക്കയുടെ മാര്‍കസ് ഗിറോണിനെ നേരിട്ടുള്ള സെറ്റുകള്‍ക്ക് തകര്‍ത്താണ് സ്വരേവിന്റെ കുതിപ്പ്. സ്‌കോര്‍: 6-2, 6-1, 6-4.

ലോക ഒന്നാം നമ്പര്‍ നൊവാക് ദ്യോക്കോവിച്ച്, ഗെയ്ല്‍ മോണ്‍ഫില്‍സ്, ആര്‍തര്‍ ഫില്‍സ്, കമറോണ്‍ നോറെ തുടങ്ങിയവരും മൂന്നാം റൗണ്ടിലെത്തിയിട്ടുണ്ട്.

വനിതാ സിംഗിള്‍സില്‍ ഏഴാം സീഡ് ജാസ്മിനെ പൗലോനി, 15-ാം സീഡ് എമ്മ നവാരോ എന്നിവര്‍ നാലാം റൗ്ണ്ടിലെത്തി. കാനഡയുടെ ബിയാന്‍ക ആന്‍ഡ്രീസ്‌കുവിനെ 7-6 (74)ം 6-1 എന്ന നേരിട്ടുള്ള സെറ്റുകള്‍ക്ക് തകര്‍ത്താണ് ഇറ്റാലിയന്‍ താരം പൗലോനി നാലാം റൗണ്ടിലെത്തിയത്. ഡിയാാന ഷ്്നൈഡറെ മൂന്ന് സെറ്റ് നീണ്ട പോരാട്ടത്തിനൊടുവില്‍ പരാജയപ്പെടുത്തിയാണ് നവാരോ മുന്നേറിയത്. സ്‌കോര്‍: 6-2, 3-6, 4-6.

ലോക ഒന്നാം നമ്പര്‍ ഇഗ സ്വായ്ടെക്, കരോലിനെ വോസ്നിയാക്കി, എലേന റെയ്ബാകിന, ഓണ്‍സ് ജാബ്യുര്‍, ഡാനിലേ കോളിന്‍സ് തുടങ്ങിയവരും അടുത്ത റൗണ്ടിലേക്ക് മുന്നേറി.