ലണ്ടന്‍ : കൗണ്ടി സീസണിന്റെ രണ്ടാം പകുതിയില്‍ ലെസ്റ്റര്‍ഷെയറില്‍ കളിക്കാന്‍ ബാറ്റ്സ്മാന്‍ അജിങ്ക്യ രഹാനെ കരാര്‍ ഒപ്പുവച്ചു. ക്ലബ്ബിന് ഒപ്പം ഏകദിന കപ്പിലും അഞ്ച് കൗണ്ടി ചാമ്പ്യന്‍ഷിപ്പിലും രഹാനെ കളിക്കും.
കഴിഞ്ഞ സീസണിലും രഹാനെ ലെസ്റ്റര്‍ഷെയറുമായി കരാര്‍ ഒപ്പുവെച്ചിരുന്നെങ്കിലും കളിച്ചില്ല.ലോക ടെസ്റ്റ് ചാമ്പ്യന്‍ഷിപ്പ് ഫൈനലിനുള്ള ഇന്ത്യയുടെ ടെസ്റ്റ് ടീമില്‍ ഉള്‍പ്പെട്ടതിനാലാണ് രഹാനെ കഴിഞ്ഞ വേനല്‍ക്കാലത്ത് ലെസ്റ്റര്‍ഷെയറില്‍ ചേരാതിരുന്നത്.
അജിങ്ക്യയെ ലെസ്റ്റര്‍ഷെയറിലേക്ക് സ്വാഗതം ചെയ്യുന്നതില്‍ സന്തോഷമുണ്ടെന്ന് ക്ലബ് അധികൃതര്‍ അറിയിച്ചു. ഫസ്റ്റ് ക്ലാസ് ക്രിക്കറ്റില്‍ 45.76 ശരാശരിയില്‍ 13,000 റണ്‍സും ലിസ്റ്റ് എയില്‍ 39.72 ശരാശരിയില്‍ 6475 റണ്‍സും രഹാനെ നേടിയിട്ടുണ്ട്.
പ്രതികരിക്കാൻ ഇവിടെ എഴുതുക: