പത്തനംതിട്ട: ബിലീവേഴ്സ് ഈസ്റ്റേണ് ചര്ച്ചിന്റെ പുതിയ അധ്യക്ഷനെ തിരഞ്ഞെടുത്തു. ഡോ. സാമുവല് മോര് തിയോഫിലസ് മെത്രാപൊലീത്തയാണ് പുതിയ അധ്യക്ഷന്. തിരുവല്ല സഭ ആസ്ഥാനത്തു ചേര്ന്ന സിനഡിലാണ് പുതിയ അധ്യക്ഷനെ തിരഞ്ഞെടുത്തത്. പുതിയ അധ്യക്ഷന്റെ സ്ഥാനാരോഹണം ജൂണ് 22 ന് നടക്കും. സഭാ സിനഡ് സെക്രട്ടറിയായി ജോഷ്വാ മാർ ബർണബാസ് എപ്പിസ്ക്കോപ്പ തെരഞ്ഞെടുക്കപ്പെട്ടു.
ചെന്നൈ ഭദ്രാസന അധിപൻ ആയിരുന്ന ഇദ്ദേഹം സഭയിലെ മുതിർന്ന മെത്രാപ്പോലീത്തയാണ്. പത്തനംതിട്ട റാന്നി സ്വദേശിയാണ് ഡോ. സാമുവേൽ മാർ തിയോഫിലോസ്. വിവിധ ഭദ്രാസനങ്ങളിലെ ബിഷപ്പുമാര് നേരിട്ടും ഓണ്ലൈനായും പുതിയ മെത്രാപൊലീത്തയെ തിരഞ്ഞെടുക്കാനുള്ള സിനഡില് സംബന്ധിച്ചു. ഐകകണ്ഠേനയാണ് പുത്യ അധ്യക്ഷനെ തിരഞ്ഞെടുത്തതെന്ന് സിനഡിന് ശേഷം ബിലീവേഴ്സ് ചര്ച്ച് വൈദികര് വ്യക്തമാക്കി.
അധ്യക്ഷനായിരുന്ന അത്തനേഷ്യസ് യോഹാന് മെത്രാപ്പോലീത്തയുടെ വിയോഗത്തെത്തുടര്ന്നാണ് ബിലീവേഴ്സ് ചര്ച്ച് പുതിയ തലവനെ തിരഞ്ഞെടുത്തത്. അന്തരിച്ച അത്തനേഷ്യസ് യോഹാന് മെത്രാപ്പോലീത്തയുടെ നാല്പതാം ചരമദിനാചരണം ഇന്നലെ കുറ്റപുഴയിലെ സഭാ ആസ്ഥാനത്ത് നടന്നിരുന്നു.
പ്രതികരിക്കാൻ ഇവിടെ എഴുതുക: