ബെംഗളൂരു: നാട്ടില്‍ പര്യടനത്തിനെത്തിയ ദക്ഷിണാഫ്രിക്കന്‍ വനിതകള്‍ക്കെതിരെ ഭാരതത്തിന് വിജയത്തുടക്കം. വനിതാ ഏകദിന പരമ്പരയിലെ ആദ്യ മത്സരത്തില്‍ 143 റണ്‍സിന്റെ വമ്പന്‍ വിജയമാണ് ഭാരതം നേടിയത്.
സ്മൃതി മന്ദാനയുട സെഞ്ചുറി പ്രകടനമായിരുന്നു ഭാരത ഇന്നിങ്‌സിലെ ഹൈലൈറ്റ്. 127 പന്തുകള്‍ നേരിട്ട താരം 12 ബൗണ്ടറികളുടെയും ഒരു സിക്‌സറിന്റെയും അകമ്പടിയില്‍ 117 റണ്‍സെടുത്തു. പാടെ തകര്‍ന്ന ഭാരത ബാറ്റിങ് നിരയില്‍ ഓപ്പണര്‍ സ്മൃതിയുടെ മികവുറ്റ സെഞ്ചുറി രക്ഷയാകുകയായിരുന്നു. ദക്ഷിണാഫ്രിക്കയ്‌ക്ക് വേണ്ടി അയബോംഗ ഖാകാ മൂന്ന് വിക്കറ്റും മസബാടാ ക്ലാസ് രണ്ട് വിക്കറ്റും നേടി.
ഭാരതം മുന്നില്‍ വച്ച 266 റണ്‍സിന്റെ വിജയ ലക്ഷ്യം മറികടക്കാനിറങ്ങിയ ദക്ഷിണാഫ്രിക്കയെ 122 റണ്‍സില്‍ എറിഞ്ഞിട്ടു. ആശാ ശോഭനയുടെ ബൗളിങ് മികവ് കൂടി ഭാരത വിജയത്തിന്റെ പ്രധാന ഘടകമായി.
പ്രതികരിക്കാൻ ഇവിടെ എഴുതുക: