ചങ്ങനാശ്ശേരി: കുവൈറ്റില്‍ തീപ്പിടിത്തത്തില്‍ മരണമടഞ്ഞ ഇത്തിത്താനം കിഴക്കേടത്ത് പി. ശ്രീഹരി യുടെയും, പായിപ്പാട് സ്വദേശി ഷിബു വര്‍ഗീസിന്റെയും സംസ്‌കാരം നാളെ ഉച്ചയ്‌ക്ക് 2 മണിക്ക് നടക്കും. ശ്രീഹരിയുടെ മൃതദേഹം തുരുത്തി യൂദാപുരം ആശുപത്രി മോര്‍ച്ചറിയിലും, ഷിബു വര്‍ഗീസിന്റെ മൃതശരീരം പുഷ്പഗിരി മെഡിക്കല്‍ കോളജിലും സൂക്ഷിച്ചിരിക്കുകയാണ്.
ശ്രീഹരിയുടെ മൃതദേഹം നാളെ രാവിലെ 9 മണി മുതല്‍ ഇളംകാവിന് സമീപത്തുള്ള വസതിയില്‍ പൊതുദര്‍ശനത്തിന് വയ്‌ക്കും 2ന് വീട്ടുവളപ്പില്‍ സംസ്‌കാരം. ഷിബു വര്‍ഗീസിന്റെ മൃതദേഹം നാളെ രാവിലെ 8ന് പായിപ്പാട് മച്ചി പളളിയിലെ വീട്ടില്‍ എത്തിക്കും. സംസ്‌കാര ശുശ്രുഷകള്‍ 2ന് വീട്ടില്‍ ആരംഭിക്കും, തുടര്‍ന്ന് പായിപ്പാട് സെ. ജോര്‍ജ് മലങ്കര ഓര്‍ത്തഡോക്‌സ് പള്ളി സെമിത്തേരിയില്‍ സംസ്‌കാരം നടക്കും.
കോട്ടയം പാമ്പാടി വിശ്വഭാരതി കോളജിന് സമീപം വാടകയ്‌ക്ക് താമസിക്കുന്ന ഇടിമണ്ണില്‍ സാബു ഫിലിപ്പ്, ഷേര്‍ളി സാബു ദമ്പതികളുടെ മകന്‍ സ്റ്റെഫിന്‍ ഏബ്രഹാം സാബുവിന്റെ സംസ്‌കാരം തിങ്കളാഴ്ചയാണ്.
ഇപ്പോള്‍ മാങ്ങാനം മന്ദിരം ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. മൃതദേഹം തിങ്കളാഴ്ച രാവിലെ 9 ന് പാമ്പാടി സെ. മേരീസ് സിംഹാസന പള്ളിയുടെ പോരാളൂര്‍ ഓഡിറ്റോറിയത്തില്‍ പൊതുദര്‍ശനത്തിന് വെയ്‌ക്കും.
രണ്ടിിന് സംസ്‌കാര ശുഷ്രൂഷ ആരംഭിച്ച് നാലിന് ഐപിസി ബഥേല്‍ സഭയുടെ ഒന്‍പതാം മൈലിലുള്ള സെമിത്തേരിയില്‍ സംസ്‌കരിക്കും. രാവിലെ പൊതുദര്‍ശനത്തിനു മുന്‍പ് വാടകക്ക് താമസിക്കുന്ന വീട്ടിലും പിന്നീട് നിര്‍മാണത്തിലിരിക്കുന്ന പുതിയ വീട്ടിലും മൃതദേഹം എത്തിക്കും.
പ്രതികരിക്കാൻ ഇവിടെ എഴുതുക: