പാരിസ്: ഫ്രഞ്ച് ഓപ്പണ്‍ ടെന്നിസില്‍ ഭാരത താരം രോഹന്‍ ബൊപ്പണ്ണയുടെ കുതിപ്പ് സെമിയില്‍ നിലച്ചു. പുരുഷ ഡബിള്‍സില്‍ ബൊപ്പണ്ണയും ഓസ്‌ട്രേലിയന്‍ സഖ്യതാരം മാത്യു എബ്‌ഡെനും ഇറ്റാലിയന്‍ സഖ്യത്തോടാണ് പരാജയപ്പെട്ടത്.
ഇറ്റാലിയന്‍ താരങ്ങളായ സിമോന്‍ ബോളെല്ലിയും ആന്‍ഡ്രിയ വാവസോറിയും ചേര്‍ന്നാണ് ഭാരത-ഓസീസ് സഖ്യത്തെ കീഴ്‌പ്പെടുത്തിയത്. സ്‌കോര്‍ 7-5, 2-6, 6-2നായിരുന്നു ബൊപ്പണ്ണ സഖ്യത്തിന്റെ തോല്‍വി. സീസണിലെ ആദ്യ ഗ്രാന്‍ഡ് സ്ലാം പോരാട്ടമായ ഓസ്‌ട്രേലിയന്‍ ഓപ്പണില്‍ പുരുഷ ഡബിള്‍സ് കിരീടം നേടിയ സഖ്യമാണ് ബൊപ്പണ്ണയും മാത്യു എബ്‌ഡെനും.
മിക്‌സഡ് ഡബിള്‍സില്‍ ലോറ സീഗ്മുണ്ട്-എഡ്വോര്‍ഡ് റോജര്‍ വാസെലിന്‍ സഖ്യം ജേതാക്കളായി.
പ്രതികരിക്കാൻ ഇവിടെ എഴുതുക: