അയോധ്യ (ഉത്തര്‍പ്രദേശ്): ലോകജനശക്തി പാര്‍ട്ടി (രാം വിലാസ്) ദേശീയ അധ്യക്ഷനും ഹാജിപൂര്‍ സ്ഥാനാര്‍ത്ഥിയുമായ ചിരാഗ് പാസ്വാന്‍, ആഗോളതലത്തില്‍ ഇന്ത്യയുടെ പദവി ഉയര്‍ത്തിയതിന് പ്രധാനമന്ത്രി നരേന്ദ്ര മോദിയെ പ്രശംസിച്ചു ഇന്ത്യയുടെ പേര് പ്രതിധ്വനിക്കാത്ത ഒരു രാജ്യവും ലോകത്തില്ലെന്ന് അദേഹം പറഞ്ഞു.
ഭാരത് മാതാ കീ ജയ്’ എന്നത് വെറുമൊരു മുദ്രാവാക്യമല്ല; ഇന്ന്, പ്രധാനമന്ത്രി മോദി ഭാരതമാതാവിനെ ലോക വേദിയില്‍ യഥാര്‍ത്ഥ വിജയിയാക്കി. ഇന്ത്യയുടെ പേര് പ്രതിധ്വനിക്കാത്ത ഒരു രാജ്യവും ലോകത്ത് ഇല്ല, അത് ഉയര്‍ത്താന്‍ അദ്ദേഹം പ്രവര്‍ത്തിച്ച രീതിയും ശ്രദ്ധേയമാണ്. തല ഉയര്‍ത്തി ഭാരത മാതാവിന്റെ മഹത്വത്തെ ബഹുമാനിക്കുന്നത് ശ്രദ്ധേയമാണെന്നും പസ്വാന്‍ പറഞ്ഞു.
ഇന്ത്യയെ സുവര്‍ണ്ണപക്ഷി എന്ന് വിളിച്ചിരുന്ന ഒരു കാലമുണ്ടായിരുന്നു, പ്രധാനമന്ത്രി മോദി ഇന്ത്യയെ ആഗോള വേദിയില്‍ ഗര്‍ജിക്കുന്ന ഒരു സുവര്‍ണ്ണസിംഹമാക്കി മാറ്റിയെന്നും അദ്ദേഹം കൂട്ടിച്ചേര്‍ത്തു. കന്യാകുമാരിയില്‍ നടക്കുന്ന പ്രധാനമന്ത്രി മോദിയുടെ ധ്യാനത്തെക്കുറിച്ച്, മാതൃകാ പെരുമാറ്റച്ചട്ടം (എംസിസി) ലംഘിച്ചുവെന്ന ആരോപണങ്ങള്‍ പാസ്വാന്‍ തള്ളിക്കളഞ്ഞു.
പ്രതികരിക്കാൻ ഇവിടെ എഴുതുക: