പാലക്കാട് : ചലച്ചിത്ര നടന്‍ വിനായകന് കല്‍പ്പാത്തി ക്ഷേത്രത്തില്‍ പ്രവേശിക്കാന്‍ വിലക്ക് ഏര്‍പ്പെടുത്തിയെന്ന പ്രചരണം ശരിയല്ലെന്ന് ക്ഷേത്രം ഭാരവാഹികള്‍. രാത്രി 11 മണി കഴിഞ്ഞതിനാല്‍ ക്ഷേത്രത്തില്‍ ദര്‍ശനം അനുവദിക്കാന്‍ സാധിക്കില്ലെന്നാണ് അറിയിച്ചത്.
രാത്രി 10.30ക്ക് ശേഷം കല്‍പാത്തിയിലെത്തിയ വിനായകന് കല്‍പ്പാത്തി ക്ഷേത്രത്തില്‍ വിലക്കേര്‍പ്പെടുത്തിയെന്നാണ് വാര്‍ത്തകള്‍ വന്നത്.ദര്‍ശനം നടത്തണമെന്ന് വിനായകന് ആവശ്യപ്പെടുന്ന വീഡിയോ പുറത്ത് വന്നിരുന്നു.
എന്നാല്‍ ഈ പ്രചരണം തികച്ചും അവാസ്തവമെന്നാണ് ക്ഷേത്രം അധികൃതര്‍ പറയുന്നത്.
ക്ഷേത്രപരിസരത്ത് വച്ച് പ്രദേശവാസിയോട് വിനായകന് കയര്‍ത്തു സംസാരിച്ചെന്നും ആരോപണമുണ്ട്. വിനായകന് വിളിച്ചത് പ്രകാരം പൊലീസ് സ്ഥലത്തെത്തി രംഗം ശാന്തമാക്കുകയായിരുന്നു.
പ്രതികരിക്കാൻ ഇവിടെ എഴുതുക: