ന്യൂദല്‍ഹി: കോണ്‍ഗ്രസ് മുന്‍ അധ്യക്ഷനും ഇന്‍ഡി മുന്നണി നേതാവുമായ രാഹുലിനോട് കേന്ദ്ര ആഭ്യന്തര മന്ത്രി അമിത് ഷായുടെ അഞ്ചു ചോദ്യങ്ങള്‍. ബിഹാറിലെ ഒരു തെരഞ്ഞെടുപ്പ് യോഗത്തില്‍ വച്ചായിരുന്നു അദ്ദേഹം ചോദ്യങ്ങള്‍ ഉന്നയിച്ചത്. റായ്ബറേലിയിലെ ജനങ്ങള്‍ക്ക് ഇവയുടെ ഉത്തരം അറിയേണ്ടതുണ്ടെന്നും അദ്ദേഹം പറഞ്ഞു.
1. മോദിജി മുത്തലാഖ് വിലക്കിയത് നല്ലതോ ചീത്തയോ, മുത്തലാഖ് മടക്കിക്കൊണ്ടുവരുമോ?
2. മുസ്ലിം വ്യക്തിനിയമത്തിനു പകരം പൊതു സിവില്‍ കോഡ് കൊണ്ടുവരുമോ ഇല്ലയോ, മുസ്ലിം വ്യക്തി നിയമം മടക്കിക്കൊണ്ടുവരുമെന്നാണ് നിങ്ങളില്‍ പലരും പറയുന്നത്.
3. മോദി സര്‍ക്കാര്‍ നടത്തിയ സര്‍ജിക്കല്‍ സ്‌ട്രൈക്ക് നല്ലതോ ചീത്തയോ, നിങ്ങള്‍ അതിനെ പിന്തുണയ്‌ക്കുന്നോ ഇല്ലയോ?
4. പ്രാണ പ്രതിഷ്ഠക്കു ശേഷം നിങ്ങള്‍ എന്തുകൊണ്ട് അയോദ്ധ്യയില്‍ പോയില്ല. പോകുമോ?
5. ജമ്മുകശ്മീരിന് പ്രത്യേക പദവി നല്‍കുന്ന ഭരണഘടനയിലെ 370 ാം വകുപ്പ് എടുത്തു കളഞ്ഞതിനെ നിങ്ങള്‍ പിന്തുണയ്‌ക്കുന്നോ ഇല്ലയോ?
ഇത്തരം സുപ്രധാന വിഷയങ്ങളില്‍ കോണ്‍ഗ്രസിന് രാജ്യവിരുദ്ധവും അവ്യക്തവുമായ നിലപാടുകളുള്ള സാഹചര്യത്തിലാണ്, വ്യക്തത തേടി അമിത് ഷാ ചോദ്യങ്ങള്‍ ഉന്നയിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: