വാഷിങ്ടണ്‍: ഭൂമിയെ ലക്ഷ്യമിട്ട് ശക്തമായ രണ്ട് കാന്തികപ്രവാഹങ്ങള്‍ എത്തുമെന്ന് മുന്നറിയിപ്പ്. സൂര്യനിലുണ്ടായ ശക്തമായ സൗരജ്വാലയ്ക്കു ശേഷമാണിത്. ഈ കാന്തികപ്രഭാവം ഭൂമിയുടെ കാന്തികമണ്ഡത്തിലേക്ക് നിലവിലുള്ള രീതിയില്‍ പ്രവേശിച്ചാല്‍ ഭൂമിയിലെ റേഡിയോ കമ്മ്യൂണിക്കേഷന്‍ സംവിധാനങ്ങളെ അത് ബാധിക്കുമെന്ന് വിദഗ്ധര്‍ മുന്നറിയിപ്പ് നല്‍കി.
ഭൂമിക്ക് അഭിമുഖമായുള്ള എആര്‍3663 എന്ന സണ്‍സ്പോട്ടിലാണ് സൗരജ്വാല രൂപപ്പെട്ടത്. ഭൂമിയേക്കാള്‍ പത്തിരട്ടി വലിപ്പമുള്ളതാണ് ഇത്. ശക്തമായ വിസ്ഫോടനങ്ങളാണ് ഇവിടെ നടക്കുന്നത്. നാസയുടെ സോളാര്‍ ഡൈനാമിക്സ് ഒബ്സര്‍വേറ്ററി ഇതിന്റെ ദൃശ്യം പകര്‍ത്തിയിട്ടുണ്ട്. കാന്തിക പ്രവാഹം നേരിട്ട് ഭൂമിയെ ലക്ഷ്യമാക്കിയാണെത്തുക.
ഈ മാസം മൂന്നിനാണ് സൗരജ്വാല രൂപപ്പെട്ടത്. പിറ്റേന്ന് അടുത്ത സൗരജ്വാലയുമുണ്ടായി. രണ്ട് കാന്തിക പ്രവാഹങ്ങളാണ് വരും ദിവസങ്ങളില്‍ ഭൂമിയിലെത്തുക. വലിയ തോതിലുള്ള ധ്രുവദീപ്തിക്കും (അറോറ) കാന്തികപ്രവാഹം കാരണമാകും.
മാര്‍ച്ചില്‍ ഡബിള്‍ എക്സ് ക്ലാസ് സൗരജ്വാല സൂര്യനിലുണ്ടായതിനെ തുടര്‍ന്നുള്ള ശക്തമായ കാന്തിക പ്രവാഹം ഭൂമിയെ ലക്ഷ്യമിട്ടെത്തിയിരുന്നു.
പ്രതികരിക്കാൻ ഇവിടെ എഴുതുക: