ആലപ്പുഴ : പൊലീസ് ഉദ്യോഗസ്ഥന്‍ വീട്ടില്‍ ജീവനൊടുക്കിയ നിലയില്‍. തോട്ടപ്പുളി ഒറ്റപ്പന പുതുവല്‍ കാര്‍ത്തികേയന്റെ മകന്‍ ശ്യാം ഘോഷിനെയാണ് രാവിലെ വീടിനുള്ളില്‍ തൂങ്ങി മരിച്ച നിലയില്‍ കണ്ടത്.
ആലപ്പുഴ എ ആര്‍ ക്യാമ്പിലെ പൊലീസ് ഉദ്യോഗസ്ഥനാണ് ശ്യാം ഘോഷ്. ജോലിയില്‍ നിന്നും കുറേ നാളായി നീണ്ട അവധിയിലായിരുന്നു.
രണ്ടു വര്‍ഷം മുമ്പാണ് ശ്യാം ഘോഷ് പൊലീസില്‍ ജോലിയില്‍ പ്രവേശിച്ചത്. വിവാഹ ബന്ധം വേര്‍പെടുത്തിയ ശ്യാംഘോഷ് പുറത്തേക്ക് ഒന്നും പോകാറില്ലെന്ന് വീട്ടുകാര്‍ പറയുന്നു.
രാത്രി ഭക്ഷണം കഴിച്ചതിന് ശേഷം മുറിയിലേക്ക് പോയതായിരുന്നു ശ്യാം ഘോഷ്. അകത്ത് നിന്ന് പൂട്ടിയ മുറി രാവിലെ തുറന്നില്ല. തുടര്‍ന്ന് വാതില്‍ തള്ളി തുറന്ന് നോക്കിയപ്പോഴാണ് ശ്യാം ഘോഷിനെ തൂങ്ങിയ നിലയില്‍ കണ്ടത്.
പ്രതികരിക്കാൻ ഇവിടെ എഴുതുക: