പത്തനംതിട്ട: കൊവിഡ് ബൂസ്റ്റര്‍ ഡോസ് എന്ന് പറഞ്ഞ് ഒറ്റയ്‌ക്ക് താമസിക്കുന്ന വൃദ്ധയുടെ വീട്ടിലെത്തി അജ്ഞാതന്‍ കുത്തിവയ്പ് നടത്തിയ സംഭവത്തിലെ പ്രതി പിടിയില്‍. പത്തനംതിട്ട വലഞ്ചുഴി സ്വദേശി ആകാശ് (22) ആണ് പിടിയിലായത്.
റാന്നി വലിയ കലുങ്ക് സ്വദേശിനി ചിന്നമ്മയെയാണ് അജ്ഞാതന്‍ കുത്തിവച്ചത്. പ്രതിയെ ചിന്നമ്മ തിരിച്ചറിഞ്ഞു.
പ്രതി എന്തിനാണ് ചിന്നമ്മയെ കുത്തിവച്ചതെന്ന് അറിയാന്‍ വിശദമായി ചോദ്യം ചെയ്യുകയാണ് പൊലീസ്. പരസ്പര വിരുദ്ധമായ മൊഴികളാണ് യുവാവ് നല്‍കുന്നതെന്ന് പൊലീസ് പറഞ്ഞു.
കഴിഞ്ഞ ദിവസമാണ് യുവാവ് ചിന്നമ്മയുടെ വീട്ടിലെത്തി കുത്തിവച്ചത്. നടുവിന് ഇരുവശത്തും കുത്തിവയ്‌പെടുത്തു.
പ്രതി സഞ്ചരിച്ചിരുന്നത് വെള്ള സ്‌കൂട്ടറിലെന്നാണെന്നത് കണ്ടെത്തിയിരുന്നു. ഈ സ്‌കൂട്ടര്‍ കേന്ദ്രീകരിച്ചും അന്വേഷണം നടന്നതിനെ തുടര്‍ന്നാണ് പ്രതിയെ പിടികൂടിയത്.
ചിന്നമ്മയുടെ ആരോഗ്യനില തൃപ്തികരമാണ്. 66 വയസുളള ഇവരെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചിരുന്നെങ്കിലും ഡിസ്ചാര്‍ജ് ചെയ്തു.
പ്രതികരിക്കാൻ ഇവിടെ എഴുതുക: