ഗോവ: ഇന്ത്യന്‍ സൂപ്പര്‍ ലീഗ് പത്താം സീസണ്‍ സെമിയിലേക്ക് മാര്‍ച്ച് ചെയ്ത് എഫ്‌സി ഗോവ. ഇന്നലെ നടന്ന രണ്ടാം പ്ലേഓഫ് നോക്കൗട്ടില്‍ ചെന്നൈയിന്‍ എഫ്‌സിയെ തോല്‍പ്പിച്ചു. ഒന്നിനെതിരെ രണ്ട് ഗോളുകള്‍ക്കായിരുന്നു ഗോവയുടെ വിജയം.
മത്സരത്തിന്റെ ആദ്യ പകുതയില്‍ തന്നെ എല്ലാ ഗോളുകളും വീണു. 36-ാം മിനിറ്റില്‍ നോഹ് സദൂയി നേടിയ ഗോളില്‍ ഗോവ മുന്നിലെത്തി. ആദ്യ പകുതിയുടെ അവസാന മിനിറ്റില്‍ ബ്രാന്‍ഡന്‍ ഫെര്‍ണാണ്ടസ് അവരുടെ ലീഡ് ഇരട്ടിയാക്കി. ആദ്യ പകുതി ഇന്‍ജുറി ടീമില്‍ മത്സരം പുരോഗമിക്കവെ ചെന്നൈയിന്‍ ആശ്വാസ ഗോള്‍ മടക്കി. ലാസര്‍ സിര്‍കോവിച് ആണ് ഗോള്‍ നേടിയത്.
സെമിയില്‍ മുംബൈ സിറ്റി എഫ്‌സി ആണ് ഗോവയുടെ എതിരാളികള്‍. രണ്ട് പാദ മത്സരങ്ങളിലായാണ് സെമി. 23ന് ആദ്യ പാദസെമിയില്‍ ഒഡീഷയും മോഹന്‍ ബഗാനും പോരടിക്കും. 24ന് മുംബൈ- ഗോവ ആദ്യപാദ സെമി.
പ്രതികരിക്കാൻ ഇവിടെ എഴുതുക: