അയൽരാജ്യങ്ങളുമായുള്ള ഇന്ത്യയുടെ ബന്ധം മുൻപുള്ളതിനേക്കാൾ മികച്ചതാണ് : എസ്. ജയശങ്കർ 

തിരുവനന്തപുരം: ചൈനയും പാക്കിസ്ഥാനും ഒഴികെയുള്ള അയൽരാജ്യങ്ങളുമായുള്ള ഇന്ത്യയുടെ ബന്ധം മുൻകാലങ്ങളെ അപേക്ഷിച്ച് ഗണ്യമായി മെച്ചപ്പെട്ടിട്ടുണ്ടെന്ന് വിദേശകാര്യ മന്ത്രി എസ് ജയശങ്കർ. തിരഞ്ഞെടുപ്പ് പ്രചാരണത്തിന്റെ ഭാഗമായി തിരുവനന്തപുരത്ത് മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.

ഈ മേഖലയിലെ ഇന്ത്യയുടെ നയതന്ത്ര മുന്നേറ്റത്തിനെക്കുറിച്ച് അദ്ദേഹം വാചാലനായി. ചൈനയുമായുള്ള ഇന്ത്യയുടെ ബന്ധം വെല്ലുവിളി നിറഞ്ഞതാണ് എന്നാൽ രാജ്യം ആത്മവിശ്വാസവും അതിന്റെ താൽപ്പര്യങ്ങൾ സംരക്ഷിക്കാൻ പ്രാപ്തവുമാണെന്ന് ജയശങ്കർ പറഞ്ഞു.

ചൈനയുമായി ഞങ്ങൾക്ക് വെല്ലുവിളി നിറഞ്ഞ ബന്ധമുണ്ട്. എന്നാൽ ഇത് ഇന്ന് ആത്മവിശ്വാസമുള്ള രാജ്യമാണ്, അത് മുന്നോട്ട് പോകാനും അവരുടെ താൽപ്പര്യങ്ങൾ സംരക്ഷിക്കാനും പ്രാപ്തമാണ്. ഒരു മത്സര ലോകത്ത് ഞങ്ങൾ മത്സരിക്കും. ചൈനയുടെ ഇടപെടൽ ചെറുതാണോ എന്ന് ചോദിച്ചപ്പോൾ അദ്ദേഹം മറുപടിയായി പറഞ്ഞു.

ചൈനയുടെ ചില നടപടികളിൽ ഇന്ത്യയ്‌ക്ക് ചുറ്റുമുള്ള രാജ്യങ്ങൾ ആശങ്കാകുലരാണെന്നും അദ്ദേഹം വ്യക്തമാക്കി.