തിരുവനന്തപുരം: കോട്ടയം സ്വദേശികളായ യുവ ദമ്പതികളെയും ഇവരുടെ സുഹൃത്തായ യുവതിയും അധ്യാപികയും ഒന്നിച്ച് മരണം വരിച്ചത് മരണാനന്തരം ഒന്നിയ്‌ക്കാനോ? ഇത്തരത്തില്‍ അസാധാരണ ചിന്തകളിലൂടെ മൂവരും കടന്നുപോയതായി മരിയ്‌ക്കുന്നതിന് മുന്‍പ് അവര്‍ മൂന്നുപേരും ഗൂഗിളില്‍ തിരഞ്ഞ വിഷയം സൂചിപ്പിക്കുന്നു. മരണാനന്തരജീവിതത്തെക്കുറിച്ച് ഇവര്‍ മൂന്ന് പേരും മരണത്തിന് മുന്‍പ് ഗൂഗിളില്‍ തിരഞ്ഞതെന്തിന് എന്ന ചോദ്യം ബാക്കിയാവുന്നു. മന്ത്രവാദപ്രവര്‍ത്തനങ്ങളുമായി ബന്ധപ്പെട്ട സംഘടനയില്‍ ഇവര്‍ അംഗങ്ങളായിരുന്നുവെന്നും നാട്ടുകാര്‍ പറയുന്നത് സംശയം വര്‍ധിപ്പിക്കുന്നു.
അരുണാചൽ പ്രദേശിൽ ഹോട്ടൽ മുറിയിലാണ് കഴിഞ്ഞ ദിവസം മീനടം സ്വദേശികളായ നവീൻ, ഭാര്യ ദേവി, സുഹൃത്തും അധ്യാപികയുമായ ആര്യ എന്നിവരെ മരിച്ച നിലയില്‍ കണ്ടെത്തിയത്. അരുണാചലിന്റെ തലസ്ഥാനമായ ഇറ്റാനഗറിലെ ഹോട്ടലിലാണ് ഇവരുടെ മൃതദേഹങ്ങൾ കണ്ടെത്തിയത്. അധ്യാപികയായ ആര്യയുടെ വിവാഹം നിശ്ചയിച്ചിരുന്നു. ഇതിന് പിന്നാലെയാണ് ആര്യ അപ്രത്യക്ഷയാവുന്നത്.
ഇവര്‍ തെരഞ്ഞെടുത്ത മരണരീതിയും സവിശേഷമാണ്. മൂന്നുപേരുടെയും ശരീരത്തിൽ പ്രത്യേക തരത്തിലുള്ള മുറിവുകളുണ്ടാക്കിയിരുന്നു. ഈ മുറിവിലൂടെ രക്തം വാർന്നാണ് മരിച്ചതെന്നാണ് വിവരം. ‘സന്തോഷത്തോടെ ജീവിച്ചു, ഇനി ഞങ്ങൾ പോകുന്നു’ എന്ന് എഴുതിയ കുറിപ്പ് ലഭിച്ചതിനെ തുടർന്ന് നടത്തിയ അന്വേഷണത്തിലാണ് ഇറ്റാനഗറിലെ ഹോട്ടൽമുറിയിൽ മൃതദേഹങ്ങൾ കണ്ടെത്തിയത്.
പ്രതികരിക്കാൻ ഇവിടെ എഴുതുക: