പൂനെ: പ്രശസ്ത ഫുഡ് ബ്ലോഗര്‍ നടാഷ ടിഡ്ഡി (50) അന്തരിച്ചു. ‘ദ് ഗട്ട്ലെസ് ഫുഡി’ എന്ന പേരിലുള്ള നടാഷയുടെ ഇന്‍സ്റ്റഗ്രാം പേജിനു നിരവധി ഫോളോവേഴ്‌സുണ്ടായിരുന്നു. പേജില്‍ പങ്കുവയ്‌ക്കുന്ന പാചകക്കുറിപ്പുകള്‍ക്കും വീഡിയോകള്‍ക്കും ആരാധകര്‍ ഏറെയായിരുന്നു.
ഷെഫായിരുന്ന നടാഷയുടെ മരണവിവരം ഭര്‍ത്താവാണു സമൂഹമാധ്യമത്തിലൂടെ അറിയിച്ചത്. മരണകാരണം അറിവായിട്ടില്ല.
തനിക്ക് ആരോഗ്യപ്രശ്‌നങ്ങളുണ്ടെന്നു നടാഷ പല അഭിമുഖങ്ങളിലും വെളിപ്പെടുത്തിയിരുന്നു. വയറ്റില്‍ മുഴകള്‍ രൂപപ്പെട്ടതിനെ തുടര്‍ന്നു ശസ്ത്രക്രിയയിലൂടെ ആമാശയം മുഴുവന്‍ നീക്കം ചെയ്തിരുന്നു. ഇതിനുശേഷം വളരെക്കുറച്ചു ഭക്ഷണമാണു നടാഷ കഴിച്ചിരുന്നത്. ‘ദ് ഗട്ട്ലെസ് ഫുഡി’എന്ന ഇന്‍സ്റ്റാഗ്രാം അക്കൗണ്ട് സജീവമായി നിലനിര്‍ത്തുമെന്ന് ഭര്‍ത്താവ് അറിയിച്ചു.
പ്രതികരിക്കാൻ ഇവിടെ എഴുതുക: