കോട്ടയം: കുറവിലങ്ങാട് ഭാര്യയെ കൊലപ്പെടുത്താൻ ശ്രമിച്ച കേസിൽ ഭർത്താവ് അറസ്റ്റിൽ. വടയാർ മിഠായിക്കുന്നം സ്വദേശി ബിനൂബ് തോമസ് ആണ് അറസ്റ്റിലായത്.പ്രതി കഴിഞ്ഞ ദിവസം ഇയാളുടെ ഭാര്യയുടെ അനിയത്തിയുടെ വീട്ടിലെത്തിയാണ് ആക്രമണം നടത്തിയത്. ഇവിടെ വച്ച് ഇരുവരും തമ്മിൽ ആക്രമണമുണ്ടായി. കയ്യിൽ കരുതിയിരുന്ന കത്തി ഉപയോഗിച്ച് ഭാര്യയുടെ തലയിൽ വെട്ടി പരിപ്പേൽപ്പിക്കുകയായിരുന്നു.
ആക്രമണം തടയാൻ ശ്രമിച്ച ഭാര്യാമാതാവിനും സാരമായി പരിക്കേറ്റു. സംഭവം നടന്നതിന് പിന്നാലെ ഇയാൾ ഇവിടെ നിന്നും കടന്നു കളഞ്ഞു. പരാതിയെ തുടർന്ന് കുറവിലങ്ങാട് പോലീസ് കേസ് രജിസ്റ്റർ ചെയ്യുകയും തുടർന്ന് ഇയാളെ അറസ്റ്റ് ചെയ്യുകയായിരുന്നു.
പ്രതികരിക്കാൻ ഇവിടെ എഴുതുക: