വനവാസി യുവതിയുടെ മൃതദേഹം കണ്ടെത്തിയ സംഭവം; ഒപ്പം താമസിച്ചിരുന്നയാൾ കസ്റ്റഡിയിൽ

കോഴിക്കോട്:വിലങ്ങാട് പുഴയരികിൽ വനവാസി യുവതിയുടെ മൃതദേഹം കണ്ടെത്തിയ സംഭവത്തിൽ ഒരാൾ കസ്റ്റഡിയിൽ. യുവതിക്കൊപ്പം താമസിച്ചിരുന്ന വാസു എന്ന എലുമ്പൻ എന്നയാളെയാണ് പോലീസ് കസ്റ്റഡിയിൽ എടുത്തിരിക്കുന്നത്. ഇയാളെ വിശദമായി ചോദ്യം ചെയ്ത് വരികയാണെന്ന് പോലീസ് അറിയിച്ചു.

ഇന്നലെയാണ് നാദാപുരത്ത് വനവാസി യുവതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്. വിലങ്ങാട് കോളനിയിലെ സോണിയാണ് മരിച്ചത്. ഇന്നലെ രാത്രി പാറക്കെട്ടുകൾക്ക് ഇടയിൽ നിന്നും യുവതിയുടെ മൃതദേഹം പ്രദേശവാസികൾ കണ്ടെത്തുകയായിരുന്നു.മൃതദേഹത്തിൽ മുറിവുകളുണ്ട്. കൊലപാതകം എന്നാണ് പ്രാഥമിക നിഗമനം.