തൃശൂര്‍: ഗുരുവായൂര്‍ ക്ഷേത്രത്തില്‍ 2024 മാര്‍ച്ച് മാസത്തെ ഭണ്ഡാരം എണ്ണല്‍ ഇന്ന് പൂര്‍ത്തിയായപ്പോള്‍ ലഭിച്ചത് 52168713 രൂപ. ഇതിന് പുറമെ രണ്ട് കിലോ 526 ഗ്രാം 200 മില്ലിഗ്രാം സ്വര്‍ണവും ലഭിച്ചു.18 കിലോ 380ഗ്രാം വെള്ളിയും ലഭിച്ചു.
കഴിഞ്ഞ മാസങ്ങളിലെ പോലെ നിരോധിച്ച നോട്ടുകളും കിട്ടി. കേന്ദ്ര സര്‍ക്കാര്‍ പിന്‍വലിച്ച 141 നോട്ടുകളാണ് ഭണ്ഡാരത്തില്‍ ലഭിച്ചത്. ഇതില്‍ 2000 ത്തിന്റെ 47 നോട്ടുകളും നിരോധിച്ച ആയിരം രൂപയുടെ 18 നോട്ടുകളും അഞ്ഞൂറിന്റെ 76 നോട്ടുകളും ലഭിച്ചു.
സി എസ് ബി ഗുരുവായൂര്‍ ശാഖയ്‌ക്കായിരുന്നു ഇത്തവണ ഭണ്ഢാരം എണ്ണുന്നതിന്റെ ചുമതല. ഇ- ഭണ്ഡാര വരവ് 7.22 ലക്ഷം രൂപയാണെന്ന് ഭാരവാഹികള്‍ അറിയിച്ചു. ക്ഷേത്രംകിഴക്കേ നടയിലെ എസ് ബി ഐയുടെ ഇ ഭണ്ഡാരം വഴി 722473 രൂപ ലഭിച്ചു. സ്ഥിരം ഭണ്ഡാര വരവിന് പുറമെയുള്ള കണക്കാണിത്.
പ്രതികരിക്കാൻ ഇവിടെ എഴുതുക: