തൃശൂര്‍: കേരള ക്ഷേത്ര സംരക്ഷണ സമിതി സംസ്ഥാന രക്ഷാധികാരി പാലയ്ക്കല് മാധവ മേനോന്‍ (96) അന്തരിച്ചു. തൃശൂര്‍ എ.ആര്‍. മേനോന്‍ റോഡിലെ പുത്തേഴത്ത് ഭവനത്തില്‍ രാവിലെ ആറു മണിയോടെയായിരുന്നു അന്ത്യം.
ക്ഷേത്ര സംരക്ഷണ സമിതി, തന്ത്രവിദ്യാപീഠം എന്നിവയുടെ സ്ഥാപനം മുതല്‍ മാധവ്ജിയോടൊപ്പം പ്രവര്‍ത്തിച്ചിരുന്നു. സ്വാമി ചിന്മയാനന്ദന്‍, പി. മാധവ്ജി എന്നിവരുടെ കുടുംബാംഗമായിരുന്നു. സാമൂഹ്യ- സാംസ്‌കാരിക രംഗത്തെ ഒട്ടേറെപ്പേര്‍ അന്തിമോപചാരമര്‍പ്പിക്കാനെത്തി. ക്ഷേത്ര സംരക്ഷണ സമിതി സംസ്ഥാന സംഘടനാ സെക്രട്ടറി ടി.യു. മോഹനന്‍, വൈസ് പ്രസിഡന്റ് സുദര്‍ശനന്‍, സമ്പര്‍ക്ക പ്രമുഖ് നാരായണ ഭട്ടതിരി, ജില്ലാ സെക്രട്ടറി പി.ആര്‍. ഉണ്ണി, ഹിന്ദു ഐക്യവേദി സംസ്ഥാന ജനറല്‍ സെക്രട്ടറി പി. സുധാകരന്‍ തുടങ്ങിയവര്‍ അന്തിമോപചാരമര്‍പ്പിച്ചു. സംസ്‌കാരം 3 മണിക്ക് പാറമേക്കാവ് ദേവസ്വം ശാന്തിഘട്ടില്‍ നടന്നു. ഭാര്യ: പരേതയായ പുത്തേഴത്തു വിജയലക്ഷ്മി. മകള്‍: ഉഷ ജയറാം, ലക്ഷ്മി രമേഷ്. മരുമക്കള്‍: സി ജയറാം (ഡയറക്ടര്‍ കോട്ടക് ബാങ്ക്), രമേഷ് വാസുദേവന്‍ (ബിര്‍ള കമ്പനി മുന്‍ പ്രസിഡന്റ്).
പ്രതികരിക്കാൻ ഇവിടെ എഴുതുക: