കോട്ടയം: ബസിനുള്ളില്‍ വീട്ടമ്മയുടെ മാല കവര്‍ന്ന കേസില്‍ തമിഴ്‌നാട് സ്വദേശിനിയെ പോലീസ് അറസ്റ്റ് ചെയ്തു. പാമ്പാടിയിലാണ് സംഭവം.
തിരുപ്പൂര്‍ സ്വദേശിനി പ്രിയ, ലക്ഷ്മി എന്നീ പേരുകളില്‍ അറിയപ്പെടുന്ന നന്ദിനിയെയാണ് പാമ്പാടി പൊലീസ് അറസ്റ്റ് ചെയ്തത്. ഇന്നലെ വൈകിട്ടാണ് സംഭവം.കോട്ടയം-എരുമേലി മുക്കന്‍ പെട്ടി റൂട്ടില്‍ സര്‍വീസ് നടത്തുന്ന സ്വകാര്യ ബസില്‍ വച്ച് കറുകച്ചാലിലെ വീട്ടമ്മയുടെ ബാഗിനുള്ളില്‍ സൂക്ഷിച്ചിരുന്ന ഒരു ലക്ഷം രൂപ വില വരുന്ന സ്വര്‍ണ നെക്ക്‌ലേസ് കവരുകയായിരുന്നു.
ബസ് അങ്ങാടിവയല്‍ ഭാഗത്ത് നിര്‍ത്തിയയപ്പോള്‍ ഇറങ്ങി രക്ഷപ്പെടാന്‍ ശ്രമിക്കവെ പിടിയിലാവുകയായിരുന്നു. ആലുവ, മരട്, പാലാരിവട്ടം, കല്ലമ്പലം പൊലീസ് സ്റ്റേഷനുകളിലെ മോഷണ കേസുകളില്‍ പ്രതിയാണ് യുവതി.
പ്രതികരിക്കാൻ ഇവിടെ എഴുതുക: