ആവേശം അലയടിച്ച അബുദാബിയില്‍ അഹ്‌ലാന്‍ മോദി സമ്മേളത്തില്‍ തന്റെ സാന്നിധ്യം അറിയിച്ച് സുരേഷ് ഗോപി. സായിദ് സ്‌പോര്‍ട്‌സ് സിറ്റി സ്‌റ്റേഡിയത്തിലിരിക്കുന്ന ചിത്രം സുരേഷ് ഗോപി തന്നെയാണ് സമൂഹമാദ്ധ്യമത്തില്‍ പങ്കുവച്ചത്. സുരക്ഷാ ഉദ്യോഗസ്ഥനോടൊപ്പം കസേരയിലിരിക്കുന്ന ചിത്രമാണ് സുരേഷ് ഗോപി പങ്കുവച്ചിരിക്കുന്നത്.
അഹ്‌ലാന്‍ മോദി സമ്മേളത്തില്‍ ‘ഭാരതം നിങ്ങളെ ഓര്‍ത്ത് അഭിമാനിക്കുന്നു’ എന്ന് പ്രധാനമന്ത്രി മലയാളത്തില്‍ പറഞ്ഞു. ഈ വാക്കുകള്‍ മറ്റു ഭാരതീയ ഭാഷകളിലും അദ്ദേഹം വര്‍ത്തിക്കുകയും ചെയ്തു.
പ്രധാനമന്ത്രിയുടെ ആവേശഭരിതമായ വാക്കുകള്‍: അബുദാബിയില്‍ നിങ്ങള്‍ ഒരു പുതിയ ചരിത്രം സൃഷ്ടിച്ചതായി പ്രധാനമന്ത്രി പറഞ്ഞു. ഭാരതത്തിലെ വിവിധ സംസ്ഥാനങ്ങളില്‍ നിന്നുള്ള നിങ്ങള്‍ എല്ലാവരും യുഎഇയുടെ വിവിധ ഭാഗങ്ങളില്‍ നിന്നായി ഇവിടെയെത്തി. എല്ലാവരുടെയും ഹൃദയങ്ങള്‍ പരസ്പരം ബന്ധപ്പെട്ടിരിക്കുന്നു. ഓരോ ഹൃദയമിടിപ്പും ഓരോ ശ്വാസവും ഓരോ ശബ്ദവും പറയുന്നത് ഭാരതം യുഎഇ സൗഹൃദം നീണാള്‍ വാഴട്ടെ എന്നാണ്. എന്റെ കുടുംബാംഗങ്ങളെ കാണാനാണ് ഇവിടെ വന്നത്. നിങ്ങള്‍ ജനിച്ച മണ്ണിന്റെ സുഗന്ധം കൊണ്ടു വന്നു, 140 കോടി ജനങ്ങളുടെ സന്ദേശം കൊണ്ടുവന്നു. ഭാരതം നിങ്ങളെ ഓര്‍ത്ത് അഭിമാനിക്കുന്നു. നമുക്ക് ജീവിതകാലം മുഴുവന്‍ നിലനില്‍ക്കുന്ന ഓര്‍മ്മകള്‍ സൃഷ്ടിക്കാം അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: