കോട്ടയം: പതിനായിരക്കണക്കിന് തീര്‍ത്ഥാടകരാണ് അയോദ്ധ്യയിലേക്കുള്ള സ്‌പെഷ്യല്‍ ട്രെയിനില്‍ പോകുന്നതെന്നും കേരളത്തിലെ ശ്രീരാമഭക്തര്‍ക്ക് സഹായകരമായ സര്‍വ്വീസാണിതെന്നും ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. കൊച്ചുവേളിയില്‍ നിന്ന് അയോധ്യയിലേക്കുള്ള ആസ്താ സ്‌പെഷ്യല്‍ ട്രെയിന്‍ സര്‍വ്വീസിന് കോട്ടയത്ത് നല്‍കിയ സ്വീകരണത്തിന് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
സംസ്ഥാനത്തെ എല്ലാ റെയില്‍വേ സ്റ്റേഷനുകളില് നിന്നും കുറഞ്ഞ ടിക്കറ്റ് നിരക്കില്‍ അയോദ്ധ്യയില്‍ പോകാന്‍ സാധിക്കും. വരും ദിവസങ്ങളില്‍ കൂടുതല്‍ ട്രെയിന്‍ സര്‍വീസുകള്‍ ഉണ്ടാകും. ഏറ്റവും കൂടുതല്‍ ശ്രീരാമഭക്തരുള്ള നാടാണ് കേരളം. ഒരു മാസം രാമായണമാസം ആചരിക്കുന്ന നാടാണിത്. ട്രെയിന്‍ സൗകര്യം ഒരുക്കിയ പ്രധാനമന്ത്രി നരേന്ദ്രമോദിയോടും റെയില്‍വേ മന്ത്രി അശ്വനി വൈഷ്ണവിനോടും തീര്‍ത്ഥാടകരുടെ പേരില്‍ നന്ദി പറയുന്നതായും സുരേന്ദ്രന്‍ പറഞ്ഞു.
കോട്ടയം റെയില്‍വേ സ്റ്റേഷനില് ഉച്ചയ്‌ക്ക് ഒരുമണിയോടെ എത്തിയ സര്‍വ്വീസിന് ഉജ്വല സ്വീകരണമാണ് ബിജെപി കോട്ടയം ജില്ലാ കമ്മിറ്റിയുടെ നേതൃത്വത്തില്‍ ഒരുക്കിയത്. ജയ് ശ്രീറാം വിളികളോടെയാണ് പ്രവര്‍ത്തകര്‍ വരവേറ്റത്.
പ്രതികരിക്കാൻ ഇവിടെ എഴുതുക: