ബയോമെട്രിക് പരിശോധനയ്‌ക്കിടെ പിഎസ്‌സി ഹാളിൽ നിന്ന് യുവാവ് രക്ഷപ്പെട്ട സംഭവം; ഉദ്യോഗാർത്ഥിയുടെ മുൻ പരീക്ഷാ വിവരങ്ങൾ പരിശോധിക്കും

തിരുവനന്തപുരം: ബയോമെട്രിക് പരിശോധനയ്‌ക്കിടെ പിഎസ്‌സി ഹാളിൽ നിന്ന് യുവാവ് രക്ഷപ്പെട്ട സംഭവത്തിൽ ഉദ്യോഗാർത്ഥി അമൽജിത്തിന്റെ മുൻ പരീക്ഷാ വിവരങ്ങൾ അന്വേഷിക്കും. കേരളാ സർവകലാശാല ലാസ്റ്റ് ഗ്രേഡ് നിയമനത്തിനുള്ള പ്രാഥമിക പരീക്ഷ വിജയിച്ചതിൽ ക്രമക്കേട് നടന്നിരുന്നോ എന്ന് പരിശോധിക്കും.

ഇയാൾ മുമ്പ് മറ്റെന്തെങ്കിലും റാങ്ക് ലിസ്റ്റിൽ ഉൾപ്പെട്ടിട്ടുണ്ടെങ്കിൽ അതും അന്വേഷണ വിധേയമാക്കുമെന്ന് അധികൃതർ വ്യക്തമാക്കി. ബയോമെട്രിക് പരിശോധന നടപ്പാക്കിയ ആദ്യ പരീക്ഷയിലാണ് ആൾമാറാട്ടം നടന്നത്.