പൂണെ: സിഗരറ്റ് വലിക്കുന്ന കഥാപാത്രമായാണ് സീതയും സീതയെ സിഗരറ്റ് വലിക്കാന്‍ സഹായിക്കുന്ന രാമനും അടങ്ങുന്ന രാമായണ നാടകത്തിനെതിരെ പുണെ സര്‍വ്വകലാശാലയില്‍ പ്രതിഷേധം. ഈ നാടകം അരങ്ങിലെത്തിച്ച പ്രൊഫസറെയും അതില്‍ അഭിനയിച്ച അഞ്ച് വിദ്യാര്‍ത്ഥികളെയും പൊലീസ് അറസ്റ്റ് ചെയ്തു.
സാവിത്രിഭായ് ഫുലെ പൂനെ സർവകലാശാലയില്‍ നാടകം അവതരിപ്പിച്ച യൂണിവേഴ്‌സിറ്റി പ്രൊഫസറും ലളിത കലാ കേന്ദ്ര ഡിപ്പാർട്‌മെന്‍റ് മേധാവിയുമായ ഡോ. പ്രവീൺ ഭോലെ, വിദ്യാർത്ഥികളായ ഭവേഷ് പാട്ടിൽ, ജയ് പട്‌നേക്കർ, പ്രഥമേഷ് സാവന്ത്, റിഷികേഷ് ഡാൽവി, യാഷ് ഛിക്ലെ എന്നിവരാണ് അറസ്റ്റിലായത്. നാടകാവതരണത്തെക്കുറിച്ച് അറിഞ്ഞ യുവമോര്‍ച്ച പ്രവര്‍ത്തകര്‍ ലളിത കലാ കേന്ദ്രത്തെ ആക്രമിച്ചു. ജയ് ശ്രീറാം വിളിച്ചെത്തിയ അക്രമികൾ ഫർണിച്ചറുകളും സാധനങ്ങളും അടിച്ചു തകർക്കുകയും കരിയോയിൽ ഒഴിക്കുകകയും ചെയ്തു.
നാടകത്തില്‍ ഇരിപ്പിടത്തിലിരുന്ന് കാൽ കയറ്റി വച്ചാണ് സീത പുക വലിക്കുന്നത്. നാടകം നടക്കുമ്പോൾ തന്നെ ആർഎസ്എസ് അനുകൂല വിദ്യാർത്ഥി സംഘടനകൾ സ്‌റ്റേജിലേക്ക് ഇരച്ചു കയറി പ്രദര്‍ശനം തടസ്സപ്പെടുത്തിയിരുന്നു. ശിക്ഷാ നിയമത്തിലെ 295 (എ) വകുപ്പു പ്രകാരമാണ് ഇവർക്കെതിരെ കേസ് രജിസ്റ്റർ ചെയ്തത്.
പ്രതികരിക്കാൻ ഇവിടെ എഴുതുക: