വാരണാസി: മൂന്ന് പതിറ്റാണ്ടിന്റെ കാത്തിരിപ്പിനൊടുവിൽ ജ്ഞാൻവാപിയിൽ ദീപം തെളിഞ്ഞു. കാശി ട്രസ്റ്റ് നിയോഗിച്ച പുരോഹിതൻ ഇന്ന് പുലർച്ചെ മൂന്ന് മണിയോടെയാണ് കോടതി അനുവദിച്ച സ്ഥലത്ത് ആരതി നടത്തിയത്. ജ്ഞാൻവാപി മസ്ജിദിന്റെ തെക്കേ അറകളിൽ(ഭൂമിക്കടിയിലെ വ്യാസ നിലവറ) പൂജ, പ്രാർത്ഥന എന്നിവയ്‌ക്ക് വരണാസി ജില്ലാ കോടതി കഴിഞ്ഞ ദിവസം അനുമതി നൽകിയിരുന്നു.
പൂജ ആരംഭിക്കുന്നതിന് മുമ്പ്, വാരണാസി ജില്ലാ മജിസ്‌ട്രേറ്റ് എസ് രാജലിംഗവും പോലീസ് കമ്മീഷണർ അശോക് മുത്ത ജെയിൻ അർദ്ധരാത്രിയോടെ ഒരു യോഗം വിളിച്ചു. ഏകദേശം രണ്ട് മണിക്കൂറോളം നീണ്ടുനിന്ന യോഗത്തിൽ കോടതിവിധി സുഗമമായി നടപ്പാക്കാൻ ജില്ലാ ഭരണകൂടം നടപടി സ്വീകരിച്ചു. തെക്കൻ നിലവറയിലേക്ക് സുഗമമായ പ്രവേശനം അനുവദിക്കുന്നതിനായി ബാരിക്കേഡുകൾക്കുള്ളിലെ സ്ഥലം വൃത്തിയാക്കി, തെക്കൻ നിലവറയിലെ പൂജാ ചടങ്ങുകൾ തടസ്സമില്ലാതെ പാലിക്കുന്നത് ഉറപ്പാക്കി.
നിലവറകളുടെ മുന്‍പില്‍ പൂജക്ക് 7 ദിവസത്തിനകം സാഹചര്യം ഒരുക്കണമെന്നായിരുന്നു കോടതി ഉത്തരവ്. ഞങ്ങൾ നന്ദിയെ കണ്ടു. ഞങ്ങൾ പ്രാർത്ഥിക്കാൻ കാത്തിരിക്കുകയായിരുന്നു. ക്ഷേത്രം പണിയണം. പ്രാർത്ഥിച്ചതിന് ശേഷം ഞങ്ങൾക്ക് വളരെ സന്തോഷമുണ്ട് , ആരാധന അർപ്പിച്ച ശേഷം സമുച്ചയത്തിന് പുറത്ത് വന്ന ഒരു ഭക്തൻ പറഞ്ഞു.
പുരാവസ്തു വകുപ്പു സർവേയിൽ ക്ഷേത്രം തകർത്താണ് മസ്ജിദ് നിർമിച്ചതെന്ന് വ്യക്തമാക്കിയിരുന്നു. മഹാദേവൻ, മഹാവിഷ്ണു, ഹനുമാൻ വിഗ്രങ്ങൾ കണ്ടെത്തി. ഈ പശ്ചാത്തലത്തിലാണ് ജ്ഞാൻ വാപിയിലെ പൂജയ്‌ക്ക് അനുമതി നൽകിയത്.
പ്രതികരിക്കാൻ ഇവിടെ എഴുതുക: