മൂന്നാര്‍: പൂപ്പാറയില്‍ ബംഗാള്‍ സ്വദേശിയായ പതിനാലുകാരിയെ പീഡിപ്പിച്ച കേസില്‍ മൂന്നു പേര്‍ കുറ്റക്കാര്‍. പ്രതികള്‍ക്കുള്ള ശിക്ഷ ഇന്ന് വിധിക്കും. ഒരാളെ വെറുതെ വിട്ടു. പൂപ്പാറ സ്വദേശികളായ സുഗന്ധ്, ശിവകുമാര്‍, സാമുവല്‍ എന്നിവരെയാണ് ദേവികുളം ഫാസ്റ്റ് ട്രാക്ക് പ്രത്യേക പോക്‌സോ കോടതി ജഡ്ജി പി.എ. സിറാജുദീന്‍ കുറ്റക്കാരാണെന്ന് കണ്ടെത്തിയത്.
ആകെയുള്ള ആറ് പ്രതികളില്‍ ഇതര സംസ്ഥാന സ്വദേശികളായ പ്രായപൂര്‍ത്തിയാകാത്തെ രണ്ട് പേരുടെ കേസ് തൊടുപുഴ കോടതിയിലാണ്. 2022 മെയ് മാസമാണ് സംഭവം. ഇടുക്കി പുപ്പാറയില്‍ സുഹൃത്തുമൊത്ത് തേയിലക്കാട്ടിലേക്ക് പോകവെ പെണ്‍കുട്ടിയെ പ്രതികള്‍ പീഡിപ്പിക്കുകയായിരുന്നു. പ്രതികളെ അന്നത്തെ മൂന്നാര്‍ ഡിവൈഎസ്പി കെ.ആര്‍. മനോജിന്റെ നേതൃത്വത്തില്‍ ശാന്തന്‍പാറ പോലീസ് അറസ്റ്റ് ചെയ്തിരുന്നു.
പെണ്‍കുട്ടിയെ പ്രതികള്‍ സംഘം ചേര്‍ന്ന് അതിക്രൂര പീഡനത്തിന് ഇരയാക്കുകയായിരുകയായിരുന്നു. ഇവര്‍ക്ക് ഒത്താശ ചെയ്തുവെന്നായിരുന്നു നാലാം പ്രതി അരവിന്ദിനെതിരെയുള്ള ആരോപണം.
ഇയാളെ കോടതി വെറുതെ വിടുകയായിരുന്നു. പ്രോസിക്ക്യൂഷന് വേണ്ടി സര്‍ക്കാര്‍ അഭിഭാഷകന്‍ അഡ്വ. സ്മിജു കെ. ദാസ് ഹാജരായി.
പ്രതികരിക്കാൻ ഇവിടെ എഴുതുക: