തലസ്ഥാനത്ത് വൻ കഞ്ചാവ് വേട്ട; എട്ട് കിലോ മയക്കുമരുന്ന് പിടികൂടി

തിരുവനന്തപുരം: വർക്കലയിൽ അന്തർ സംസ്ഥാന ടൂറിസ്റ്റ് ബസിൽ നിന്നും വൻ കഞ്ചാവ് വേട്ട. എട്ട് കിലോ കഞ്ചാവാണ് ബസിൽ നിന്നും പിടികൂടിയത്. ബസ് ക്ലീൻ ചെയ്യവെയാണ് ട്രാവലർ ബാഗിൽ സൂക്ഷിച്ചിരുന്ന കഞ്ചാവ് ശേഖരം കണ്ടെത്തിയത്. ബെംഗളൂരുവിൽ നിന്നും വന്ന സ്വകാര്യ ടൂറിസ്റ്റ് ബസിലാണ് സംഭവം. സംഭവത്തിൽ ബസ് ഡ്രൈവർ ഷാജി, ആലപ്പുഴ സ്വദേശി അൻസാരി എന്നിവരെ കസ്റ്റഡിയിലെടുത്തു.