കോഴിക്കോട് : കോഴിക്കോട് ഡിവൈഎസ്പി ഓഫീസിന് സമീപത്തെ ജുവല്ലറിയില്‍ നിന്നും സ്വര്‍ണം മോഷണം പോയി. താമരശ്ശേരിയിലെ റന ഗോള്‍ഡ് എന്ന ജ്വല്ലറിയില്‍ നിന്നും 50 പവന്‍ സ്വര്‍ണം നഷ്ടപ്പെട്ടതായിയാണ് പ്രാഥമിക വിവരം.
കൊടുവള്ളി ആവിലോറ സ്വദേശി അബ്ദുള്‍ സലാമിന്റെ ഉടമസ്ഥതയിലുള്ളതാണ് സ്ഥാപനം. ബുധനാഴ്ച രാവിലെ കട തുറക്കാനെത്തിയപ്പോഴാണ് മോഷണം നടന്ന വിവരം പുറത്തറിയുന്നത്. മുകളിലെ റൂമുകളിലേക്ക് കയറുന്ന ഗോവണിയുടെ ഭാഗത്തേക്കുള്ള ഷട്ടര്‍ തകര്‍ത്തശേഷം, മോഷ്ടാക്കള്‍ അകത്തു കടന്ന് ജുവല്ലറിയുടെ ചുമര് തകര്‍ത്താണ് കവര്‍ച്ച നടത്തിയിരിക്കുന്നത്.
സംഭവത്തില്‍ താമരശ്ശേരി പോലീസ് കേസെടുത്തിട്ടുണ്ട്. സമീപത്തെ സിസിടിവികള്‍ പരിശോധിച്ച് അന്വേഷണം ആരംഭിച്ചു. പോലീസിന്റെ മൂക്കിന് താഴേയാണ് കവര്‍ച്ച നടന്നിരിക്കുന്നത്.
പ്രതികരിക്കാൻ ഇവിടെ എഴുതുക: