ചെന്നൈ: വഞ്ചനാക്കേസില്‍ നടി അമലാപോളിന്റെ മുന്‍ പങ്കാളി ഭവ്‌നീന്ദര്‍ സിങ്ങിന് അനുവദിച്ച ജാമ്യം മദ്രാസ് ഹൈക്കോടതി റദ്ദാക്കി. അമല നല്കിയ ഹര്‍ജിയിലാണ് നടപടി. ഭവ്‌നീന്ദര്‍ ഒരാഴ്ചയ്‌ക്കുള്ളില്‍ അന്വേഷണ ഏജന്‍സിക്ക് മുന്നില്‍ കീഴടങ്ങണം.
ആദ്യ ഭര്‍ത്താവ് എ.എല്‍. വിജയിയുമായി വേര്‍പിരിഞ്ഞ ശേഷമായിരുന്നു ഭവ്‌നീന്ദറുമായി അമല പ്രണയത്തിലായത്. 2017ല്‍ ഇരുവരും ഒരുമിച്ച് താമസമാരംഭിച്ച ശേഷം ഭവ്‌നീന്ദറും കുടുംബവും തന്നെ വഞ്ചിക്കുകയായിരുന്നു. അടുപ്പം മുതലെടുത്ത് പണം തട്ടിയെടുക്കുകയും മാനസികമായി പീഡിപ്പിക്കുകയും ചെയ്‌തെന്നാരോപിച്ച് കഴിഞ്ഞ വര്‍ഷമാണ് അമല പോലീസില്‍ പരാതി നല്കിയത്.
കേസില്‍ ഭവ്‌നീന്ദറിനെ തമിഴ്‌നാട് പോലീസ് അറസ്റ്റ് ചെയ്‌തെങ്കിലും വിഴുപുറം മജിസ്‌ട്രേറ്റ് കോടതി ജാമ്യം അനുവദിക്കുകയായിരുന്നു. ഇത് ചോദ്യം ചെയ്ത് അമല നല്കിയ ഹര്‍ജിയിലാണ് ഹൈക്കോടതി ഉത്തരവ്. ഭവ്‌നീന്ദറിന് ഉപാധികളില്ലാതെയാണ് ജാമ്യം അനുവദിച്ചതെന്നും ഇത് കേസന്വേഷണത്തെ ബാധിക്കുമെന്നും ഹര്‍ജി പരിഗണിച്ച ജസ്റ്റിസ് സി.വി. കാര്‍ത്തികേയന്‍ ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: