ന്യൂദല്‍ഹി: ലിഥിയം എന്ന അമൂല്യമായ പ്രകൃതിദത്ത ധാതു അര്‍ജന്റീനയില്‍ നിന്നും ഇറക്കുമതി ചെയ്യാന്‍ കരാര്‍ ഒപ്പിട്ട് ഇന്ത്യ. ഇന്ന് ലോകത്തിലെ ഏറ്റവും കൂടുതല്‍ ലിഥിയം ഇറക്കുമതി ചെയ്യുന്ന ഇന്ത്യ അത് കൂടുതല്‍ വരുത്തുന്നത് ചൈനയില്‍ നിന്നാണ്. ചൈനയോട് ലിഥിയത്തിന്റെ കാര്യത്തിലുള്ള ആശ്രതിത്വം പടിപടിയായി കുറയ്‌ക്കുകയാണ് മോദി സര്‍ക്കാരിന്റെ ലക്ഷ്യം.
ഈയിടെ ഇന്ത്യയ്‌ക്ക് ലിഥിയം നല്‍കാതിരിക്കുന്ന നിഷേധാത്മക നിലപാടും കൈക്കൊണ്ടിരുന്നത് ഇന്ത്യയ്‌ക്ക് തിരിച്ചടിയായി മാറിയിരുന്നു. അതുവഴി വൈദ്യുതവാഹന നിര്‍മ്മാണ രംഗത്ത് കുതിക്കുന്ന ഇന്ത്യയെ തകര്‍ക്കാമെന്ന് ചൈന കണക്കുകൂട്ടുന്നു.
ഈ കരാര്‍ ഖനിജ് ബിദേഷ് ഇന്ത്യ ലിമിറ്റഡും അര്‍ജന്റീനയിലെ കറ്റമാര്‍ക പ്രവിശ്യയും തമ്മിലാണ് ഒപ്പുവെച്ചിരിക്കുന്നത്. കേന്ദ്ര കല്‍ക്കരി, ഖനി മന്ത്രി പ്രള്‍ഹാദ് ജോഷിയും കരാര്‍ ഒപ്പുവെച്ചിരുന്നു. പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ ദുര്‍ലഭമായ ദൈഥുക്കള്‍ ലഭിക്കാന്ന കാര്യത്തില്‍ പുതിയ നാഴികക്കല്ലാണ് ഇന്ത്യ നേടിയതെന്ന് പ്രള്‍ഹാദ് ജോഷി എക്‌സില്‍ കുറിച്ചു.
ലിഥിയം എന്നത് പ്രകൃതിയില്‍ നിന്നും ലഭിക്കുന്ന അമൂല്യമായ രാസവസ്തുവാണ്. വൈദ്യുത വാഹനങ്ങളുടെ ബാറ്ററി മുതല്‍ ബഹിരാകാശ റോക്കറ്റുകള്‍ക്കുള്ള ഇന്ധനത്തില്‍ വരെ ലിഥിയം ഉപയോഗിക്കുന്നു. ഭാവിയില്‍ പ്രകൃതിദത്ത പുനരുപയോഗ ഊര്‍ജ്ജ ആവശ്യങ്ങള്‍ക്കുള്ള താക്കോലാണ് ലിഥിയം.
നരേന്ദ്രമോദി സര്‍ക്കാര്‍ രണ്ട് തരം സമീപനമാണ് ലിഥിയം ലഭ്യമാക്കാന്‍ കൈക്കൊള്ളുന്നത്. ഒന്ന് ലിഥിയം നിക്ഷേപമുള്ള റാജ്യങ്ങളില്‍ നിന്നും ഇറക്കുമതി ചെയ്യുക. രണ്ട്, ഇന്ത്യയ്‌ക്കകത്ത് തന്നെ ലിഥിയം നിക്ഷേപം കണ്ടെത്തുക. ഇതിനായി
ഇന്ത്യയിൽ വീണ്ടും ലിഥിയം ശേഖരം കണ്ടെത്തിയതായി സ്ഥിരീകരിച്ച് ഖനനം നടത്തിയ ജിയോളജിക്കല്‍ സര്‍വ്വേ ഓഫ് ഇന്ത്യ ഉദ്യോഗസ്ഥര്‍. ജാർഖണ്ഡിലെ കോഡെർമ ജില്ലയിൽ അടുത്തിടെ നടത്തിയ സർവേയില്‍ ലിഥിയത്തിനൊപ്പം മൈക്കയും കണ്ടെത്തിയിരുന്നു. നേരത്തെ കശ്മീരിലും ലിഥിയം നിക്ഷേപം കണ്ടെത്തിയിരുന്നു. ഏകദേശം 5.9 ദശലക്ഷം ടണ്‍ ലിഥിയമാണ് ഇവിടെ കണ്ടെത്തിയത്. ഇതോടെ ഇന്ത്യ ലിഥിയം ഖനനത്തില്‍ ലോകത്തെ ഏഴാമത്തെ രാജ്യമായി മാറിയിരുന്നു. ഇപ്പോള്‍ ജാർഖണ്ഡിലും ലിഥിയം കണ്ടെത്തിയതോടെ ഇന്ത്യ വൈദ്യുത വാഹന നിര്‍മ്മാണരംഗത്ത് ബാറ്ററി നിര്‍മ്മാണത്തിന് മറ്റുരാജ്യങ്ങളെ ആശ്രയിക്കേണ്ടതില്ലാത്ത നിലയില്‍ എത്താനാണ് പരിശ്രമിക്കുന്നത്.
ലോകത്തിലെ ലിഥിയം ധാതുവില്‍ അംപത് ശതമാനത്തിലേറെ കുഴിച്ചെടുക്കുന്നത് അര്ജന്റീന, ചിലി, ബൊളിവിയ എന്നീ തെക്കന്‍ അമേരിക്കന്‍ രാഷ്‌ട്രങ്ങളാണ്. സംയുക്ത സംരംഭത്തിലൂടെ അര്‍ജന്റീനയില്‍ നിന്നും കൂടുതല്‍ ലിഥിയം നിക്ഷേപങ്ങള്‍ കണ്ടെത്താനും കുഴിച്ചെടുക്കാനുമാണ് ഇന്ത്യ അര്‍ജന്റീനയുമായി കഴിഞ്ഞ ദിവസം കരാര്‍ ഒപ്പുവെച്ചത്.
വൈദ്യുത വാഹനങ്ങളിലെ ബാറ്ററി നിര്‍മ്മാണത്തില്‍ ഒഴിച്ചുകൂടാനാവാത്ത സുപ്രധാന ഘടകമാണ് ലിഥിയം. ഈ ധാതുവിന്റെ പ്രാധാന്യവും മൂല്യവും കാരണം വെളുത്ത സ്വര്‍ണ്ണം എന്നും ലിഥിയത്തെ വിശേഷിപ്പിക്കുന്നു. ഇപ്പോള്‍ ആസ്ത്രേല്യയാണ് ലിഥിയം കുഴിച്ചെടുക്കുന്നതില്‍ ഒന്നാം സ്ഥാനത്ത്. ചിലി, ചൈന, അര്ജന്റീന, ബ്രസീല്‍ എന്നീ രാജ്യങ്ങളാണ് ലിഥിയം ഖനനത്തില്‍ രണ്ടും മൂന്നുംനാലും അഞ്ചും സ്ഥാനങ്ങളില്‍. ലോകത്തെ 47 ശതമാനം ലിഥിയവും ആസ്ത്രേല്യയില്‍ നിന്നാണ്. പക്ഷെ പ്രാഥമികമായി ഭൂമിക്കടിയില്‍ നിന്നും കുഴിച്ചെടുക്കുന്ന ലിഥിയം പിന്നീട് ശുദ്ധീകരിക്കുന്ന ഫാക്ടറികള്‍ അധികവും ചൈനയിലാണ്. ആസ്ത്രേല്യ കുഴിച്ചെടുക്കുന്ന ലിഥിയത്തില്‍ 90 ശതമാനവും ചൈനയിലേക്കായിരുന്നു കയറ്റുമതി ചെയ്തിരുന്നത്. എന്നാല്‍ ആസ്ത്രേല്യ-ചൈന ബന്ധം വഷളായതിനാല്‍ ഇതില്‍ ചില മാറ്റങ്ങള്‍ വന്നുകൊണ്ടിരിക്കുന്നു
പ്രതികരിക്കാൻ ഇവിടെ എഴുതുക: