പന്തല്ലൂരിൽ വീണ്ടും പുലിയുടെ ആക്രമണം; 23-കാരിയായ വനവാസി യുവതി ആശുപത്രിയിൽ

മലപ്പുറം: പന്തല്ലൂരിന് സമീപം തമിഴ്‌നാട് ഗൂഡല്ലൂരിലും പുലിയുടെ ആക്രമണം. പടച്ചേരിയിൽ 23-കാരിയെയാണ് വീടിന് മുന്നിൽ വച്ച് പുലി ആക്രമിച്ചത്. യുവതിയെ ആശുപത്രിയിൽ പ്രവേശിപ്പിച്ചിരിക്കുകയാണ്.

പന്തല്ലൂരിൽ ഇന്നലെ മൂന്ന് വയസുകാരിയെ ആക്രമിച്ച് കൊലപ്പെടുത്തിയതിന് പിന്നാലെയാണ് വീണ്ടും പുലിയുടെ ആക്രമണം. സംഭവത്തിന് പിന്നാലെ പ്രദേശവാസികൾ റോഡുകൾ ഉൾപ്പെടെ ഉപരോധിച്ച് പ്രതിഷേധത്തിലാണ്. ഗൂഡല്ലൂർ- പന്തല്ലൂർ താലൂക്കുകളിലെ വ്യാപാരികൾ ഇന്ന് കടകൾ അടച്ചിട്ടും പ്രതിഷേധിക്കും.

ഇന്നലെ വൈകുന്നേരം ആറ് മണിയോടെയാണ് വനവാസി യുവതിയായ 23-കാരിയെ പുലി ആക്രമിച്ചത്. കുഞ്ഞിനെ കൊലപ്പെടുത്തിയ പുലി തന്നെയാണ് ഇതും എന്ന നിഗമനത്തിലാണ് പ്രദേശവാസികൾ. കഴിഞ്ഞ ഒരു മാസത്തോളമായി പ്രദേശത്ത് പുലിയുടെ ശല്യം രൂക്ഷമാണെന്ന് പ്രദേശവാസികൾ പറയുന്നു. കഴിഞ്ഞ 10 ദിവസത്തിനിടെ നാല് യുവതികളെയും ഒരു പെൺകുട്ടിയെയുമാണ് പുലി ആക്രമിച്ചിരിക്കുന്നത്.