ന്യൂദല്‍ഹി: അറബിക്കടലില്‍ കടല്‍ക്കൊള്ളക്കാര്‍ റാഞ്ചിയ കപ്പല്‍ മോചിപ്പിച്ചു.പതിനഞ്ച് ഇന്ത്യക്കാരടക്കം 21 ജീവനക്കാരെ ഇന്ത്യന്‍ നാവികസേന മോചിപ്പിച്ചു.
മുന്നറിയിപ്പിനെ തുടര്‍ന്ന് കൊള്ളക്കാര്‍ കപ്പല്‍ വിട്ടു പോയെന്ന് നാവിക സേന അറിയിച്ചു. കപ്പല്‍ അടുത്തുളള തീരത്ത് എത്തിക്കാനുള്ള സഹായം നല്‍കുകയാണെന്നും നാവിക സേന വെളിപ്പെടുത്തി.
#IndianNavy’s Swift Response to the Hijacking Attempt of MV Lila Norfolk in the North Arabian Sea.
All 21 crew (incl #15Indians) onboard safely evacuated from the citadel.Sanitisation by MARCOs has confirmed absence of the hijackers.
The attempt of hijacking by the pirates… https://t.co/OvudB0A8VV pic.twitter.com/616q7avNjg
— SpokespersonNavy (@indiannavy) January 5, 2024
സൊമാലിയ തീരത്തിന് സമീപമാണ് ലൈബീരിയന്‍ പതാകയുള്ള എംവി ലില നോര്‍ഫോക് കപ്പല്‍ കടല്‍ക്കൊളളക്കാര്‍ റാഞ്ചിയത്. ഇന്ത്യന്‍ നാവികസേനയുടെ ഐഎന്‍എസ് ചെന്നൈയാണ് ചരക്ക് കപ്പല്‍ മോചിപ്പിക്കാനുളള ദൗത്യവുമായിഎത്തിയത്.
ഐഎന്‍എസ് ചെന്നൈയില്‍ നിന്ന് ഹെലികോപ്റ്റര്‍ ചരക്ക് കപ്പലിന് മുകളില്‍ പറന്ന് കുറ്റവാളികളോട് കപ്പല്‍ ഉപേക്ഷിക്കാന്‍ മുന്നറിയിപ്പ് നല്‍കി. പിന്നാലെയാണ് മറൈന്‍ കമാന്‍ഡോകള്‍ കപ്പലിനുളളില്‍ കടന്നത്.
ഇന്നലെ വൈകിട്ടാണ് അഞ്ചോ ആറോ പേരടങ്ങുന്ന സംഘം ചരക്ക് കപ്പല്‍ സൊമാലിയന്‍ തീരത്ത് റാഞ്ചിയത്. അറബികടലില്‍ വച്ച് കപ്പല്‍ തട്ടിയെടുത്തുവെന്ന സന്ദേശം ബ്രിട്ടീഷ് സൈനിക ഏജന്‍സിയാണ് ഇന്ത്യന്‍ നാവിക സേനയ്‌ക്ക് കൊമാറിയത്. കൊളളക്കാര്‍ കപ്പല്‍ തീരത്തേക്ക് അടുപ്പിച്ചിരുന്നില്ല. നാവിക സേന വിമാനം ഇന്നു രാവിലെ കപ്പലിന് മുകളിലൂടെ പറന്ന് സ്ഥിതി വിലയിരുത്തിയ ശേഷമാണ് ഓപ്പറേഷന്‍ നടത്തിയത്.
പ്രതികരിക്കാൻ ഇവിടെ എഴുതുക: