മഡ്ഗാവ് : പുതുവത്സരാഘോഷത്തിന് ഗോവയില്‍ എത്തുകയും കാണാതാവുകയും ചെയ്ത യുവാവിന്റെ മൃതദേഹം കണ്ടെത്തി. ഗോവയിലെ അഞ്ജുന ബീച്ച് പരിസരത്താണ് മൃതദേഹം കണ്ടെത്തിയത്.
കോട്ടയം കുലശേഖരമംഗലം സ്വദേശി സഞ്ജയുടെ (19) മൃതദേഹമാണ് കണ്ടെത്തിയത്. ഗോവയിലെത്തിയ ബന്ധുക്കള്‍ മൃതദേഹം തിരിച്ചറിഞ്ഞു.
അഴുകിയ നിലയിലുളള മൃതദേഹം പോസ്റ്റ്മോര്‍ട്ടത്തിനായി ആശുപത്രിയിലേക്ക് മാറ്റി. പോസ്റ്റ്മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കും. ഈ മാസം 29ന് ഗോവയ്‌ക്ക് പോയ യുവാവിനെ പുതുവത്സരാഘോഷത്തിന് ശേഷം കാണാതാവുകയായിരുന്നു. രണ്ട് സുഹൃത്തുക്കള്‍ക്കൊപ്പമാണ് സഞ്ജയ് ഗോവയിലെത്തിയത്.
പെട്രോള്‍ പമ്പ് ജീവനക്കാരനായിരുന്നു സഞ്ജയ്. പൊലീസ് വിശദമായ അന്വേഷണം ആരംഭിച്ചു
പ്രതികരിക്കാൻ ഇവിടെ എഴുതുക: