ദിസ്പൂർ: അസമിൽ ബസും ലോറിയും കൂട്ടിയിടിച്ച് വൻ അപകടം. ദാരുണമായ സംഭവത്തിൽ 12 പേർ മരണപ്പെട്ടു. അസമിലെ ഗോലഘട്ട് ജില്ലയിലെ ബാലിജാനിലായിരുന്നു അപകടം. ഇന്ന് രാവിലെ അഞ്ചുമണിയോടെയായിരുന്നു ഇരുവാഹനങ്ങളും കൂട്ടിയിടിച്ചത്.
അപകടത്തിൽ 25-ഓളം യാത്രികർക്ക് പരിക്കേറ്റതായാണ് വിവരം. പരിക്കേറ്റവരെ തൊട്ടടുത്തുളള മെഡിക്കൽ കോളേജിൽ പ്രവേശിപ്പിച്ചിരിക്കുയാണ്. തീർത്ഥാടക സംഘം സഞ്ചരിച്ച ബസുമായാണ് ലോറി കൂട്ടിയിടിച്ചതെന്നാണ് വിവരം. അപകടത്തെ കുറിച്ച് പോലീസ് അന്വേഷണം ആരംഭിച്ചു. ഇത് സംബന്ധിച്ച് കൂടുതൽ വിവരങ്ങൾ പുറത്തുവന്നിട്ടില്ല.
പ്രതികരിക്കാൻ ഇവിടെ എഴുതുക: