ന്യൂദല്ഹി: രാഷ്ട്രമാകെ രാമലഹരിയിലാണെന്ന് പ്രധാനമന്ത്രി നരേന്ദ്രമോദി. എല്ലാവരും അയോദ്ധ്യയിലെ പ്രാണപ്രതിഷ്ഠാമുഹൂര്ത്തത്തെ ആവേശപൂര്വം വരവേല്ക്കുകയാണ്. ഭഗവാന് രാമനോടുള്ള ഭക്തിയും ആവേശവും കവിതകളിലൂടെയും കലാസൃഷ്ടികളിലൂടെയുമൊക്കെ ജനങ്ങള് പ്രകടിപ്പിക്കുന്നു. അത്തരം എല്ലാ സൃഷ്ടികളും ശ്രീരാംഭജന് എന്ന പേരില് സോഷ്യല് മീഡിയയില് അപ്ലോഡ് ചെയ്യണം, പ്രധാനമന്ത്രി മന് കി ബാതിലൂടെ അഭ്യര്ത്ഥിച്ചു.
അയോദ്ധ്യയും ശ്രീരാമനും പ്രാണപ്രതിഷ്ഠയുമൊക്കെ നിറയുന്ന നിരവധി ഭജനകളാണ് എല്ലായിടത്തും. പലതും ഞാന് എന്റെ സോഷ്യല് മീഡിയയില് പങ്കുവെച്ചിട്ടുണ്ട്. ഈ ചരിത്ര നിമിഷത്തെ കലാലോകം അതുല്യവും മനോഹരവുമായ ശൈലിയില് ആവിഷ്കരിക്കുകയാണ്. ഇത്തരത്തിലുള്ള എല്ലാ ആവിഷ്കാരങ്ങളും സംയോജിപ്പിച്ച് പൊതുവായ ഹാഷ്ടാഗുകള്ക്ക് കീഴില് സോഷ്യല് മീഡിയ പ്ലാറ്റ്ഫോമുകളില് ഇടണമെന്ന് എല്ലാവരോടും അഭ്യര്ത്ഥിക്കുന്നു.
എല്ലാ സൃഷ്ടികളും #ShriRamBhajan\ കീഴില് സോഷ്യല് മീഡിയയില് പങ്കിടണം. പ്രാണപ്രതിഷ്ഠയോടെ ലോകമെങ്ങും ആത്മീയതരംഗം അലയടിക്കട്ടെ, അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: